کوٹلی ستیاں کے جنگلات میں آگ کی تباہی کی سیٹلائٹ تصاویر سامنے آ گئیں

3 ہزار 37 ہیکڑ پر مشتمل قدرتی جنگل خاکستر، دریائے سندھ اور جہلم کے اہم ذیلی آبی ذخائر کے لیے ضروری ماحولیاتی پٹی کو شدید نقصان پہنچنے کا خطرہ پیدا ہو گیا

منگل 2 جون 2026 21:35

کوٹلی ستیاں کے جنگلات میں آگ کی تباہی کی سیٹلائٹ تصاویر سامنے آ گئیں

کوٹلی ستیاں (اُردو پوائنٹ اخبارتازہ ترین - این این آئی۔ 02 جون2026ء) کوٹلی ستیاں کے جنگلات میں لگنے والی بھیانک آگ کی تباہی کی سیٹلائٹ تصاویر سامنے آ گئیں۔سپارکو نے سپیس فور کلائمیٹ پورٹل پر کوٹلی ستیاں کے جنگلات کی سیٹلائٹ تفصیلات جاری کر دیں، آگ سے کوٹلی ستیاں کے 25 مقامات پر پھیلا 3 ہزار 37 ہیکڑ پر مشتمل قدرتی جنگل خاکستر ہو گیا۔

(جاری ہے)

سیٹلائٹ تصاویر میں کوٹلی ستیاں میں 7 ہزار 500 ایکڑ سے زائد رقبے پر پھیلے جنگلات میں تباہی ہوئی، 9 مئی سے 29 مئی تک کی سیٹلائٹ تصاویر کے موازنے سے چِیڑ کے قیمتی جنگلات کو شدید نقصان پہنچا۔

کوٹلی ستیاں کی آگ نے مقامی پرندوں اور جنگلی حیات کی افزائش نسل کا سیزن شدید متاثر کیا، جنگل کی آگ سے نئے اگنے والے پودے اور پنیریاں تباہ، زمین پر نقصان دہ جڑی بوٹیوں کے پھیلنے کا خطرہ پیدا ہو گیا۔دریائے سندھ اور جہلم کے اہم ذیلی آبی ذخائر کے لیے ضروری ماحولیاتی پٹی کو شدید نقصان پہنچنے کا خطرہ ہے۔مقامی آبادی اور محکمہ جنگلات نے کئی مقامات پر آگ پر قابو پا لیا، تیز ہوائوں کے باعث اب بھی خطرات برقرار ہیں۔