لاہورہائیکورٹ،آئی ایم ایف قرضوں سے متعلق سول نظرثانی درخواست خارج

بدھ 3 جون 2026 17:42

لاہور (اُردو پوائنٹ اخبارتازہ ترین - اے پی پی۔ 03 جون2026ء) لاہور ہائیکورٹ نے آئی ایم ایف قرضوں کے باعث ہر پاکستانی شہری کے مقروض ہونے سے متعلق دعوے پر دائر سول نظرثانی درخواست خارج کردی۔

(جاری ہے)

جسٹس عاصم حفیظ نے ایڈووکیٹ طالب حسین میکن کی درخواست مسترد کرتے ہوئے قرار دیا کہ قرض کا انتظام حکومت پاکستان اور آئی ایم ایف کے درمیان ہے اور ریکارڈ پر ایسا کوئی ثبوت موجود نہیں کہ آئی ایم ایف نے کسی پاکستانی شہری سے انفرادی طور پر قرض واپسی کا مطالبہ کیا ہو۔عدالت نے فیصلے میں کہا کہ سوشل میڈیا پر گردش کرنے والی معلومات کی بنیاد پر دعوی دائر کیا گیا تھا اور قانونی طور پر درخواست قابل سماعت نہیں تھی۔