جوفرا آرچر نے آئی پی ایل کی فلیٹ پچز پر طنز کردیا

آئی پی ایل میں پچیں زیادہ فلیت ہوتی ہیں اور باؤنڈریز چھوٹی ہوتی ہیں جس کی وجہ سے بیٹنگ آسان ہوجاتی ہے : انگلش فاسٹ باولر

ذیشان مہتاب جمعرات 9 جولائی 2026 12:04

جوفرا آرچر نے آئی پی ایل کی فلیٹ پچز پر طنز کردیا

لندن (اردو پوائنٹ تازہ ترین اخبار ۔ 9 جولائی 2026ء ) انگلینڈ کے فاسٹ بولر جوفرا آرچر نے انڈین پریمیئر لیگ (آئی پی ایل) کی فلیٹ پچوں پر طنز کردیا۔

بھارت کو تیسرے ٹی 20 میں شکست دینے کے بعد میڈیا سے گفتگو کرتے ہوئے فاسٹ بولر جوفرا آرچر نے کہا کہ آئی پی ایل میں پچیں زیادہ فلیت ہوتی ہیں اور باؤنڈریز چھوٹی ہوتی ہیں جس کی وجہ سے بیٹنگ آسان ہوجاتی ہے۔

انہوں نے کہا کہ انگلینڈ میں یہ نارمل کرکٹ ہے جہاں فاسٹ بولرز کو زیادہ مدد ملتی ہے اور بیٹرز کو زیادہ سنبھل کر کھیلنے کی ضرورت ہوتی ہے۔

(جاری ہے)

واضح رہے کہ پانچ ٹی ٹونٹی میچوں کی سیریز کے تیسرے میچ میں انگلینڈ نے بھارتی سورماؤں بدترین شکست کا مزہ چکھایا۔

گزشتہ روز نوٹنگھم میں کھیلے گئے تیسرے ٹی ٹوئنٹی میں انگلینڈ کے خلاف بھارت کی پوری ٹیم صرف 76 رنز پر ڈھیر ہوئی، یہ بھارت کو ٹی ٹوئنٹی فارمیٹ میں رنز کے اعتبار سے سب سے بڑی شکست تھی۔

انگلینڈ نے پہلے بیٹنگ کرتے ہوئے سات وکٹ پر 201 رنز اسکور کیے تھے جس کے جواب میں بھارتی ٹیم 76 رنز پر ڈھیر ہو گئی اور اس طرح میچ میں بھارت کو 125 رنز سے شکست کا سامنا کرنا پڑا۔

پانچ میچوں کی سیریز میں انگلینڈ کو دو صفر کی برتری حاصل ہو گئی ہے۔