عوام کی آسانی کیلئے موثر سیوریج وجدید نکاسی آب سسٹم کو اپ گریڈ کررہے ہیں، وزیراعلی مریم نواز

ہفتہ 18 جولائی 2026 21:06

لاہور (اُردو پوائنٹ اخبارتازہ ترین - اے پی پی۔ 18 جولائی2026ء) ’’ترقی کے سفر میں صرف لاہور نہیں بلکہ پورا پنجاب ہے‘‘پنجاب کے 15اضلاع میں نکاسی آب کیلئے بہترین اور جدید ترین272 مشینوں کی فراہمی مکمل ہوچکی ہے۔پنجاب کے41 اضلاع میں واسا کو 696 مشینیں اور آلات کی فراہمی کا عمل جاری ہے۔ وزیراعلی مریم نواز نے سیوریج مشینوں کی علامتی چابیاں متعلقہ واسا حکام کے سپرد کیں،سکیورٹی ہٹاکر واسا ورکرز کو پاس بلا لیا۔

وزیراعلی نے واسا ورکروں کی خواہش پر گروپ فوٹو بنوایا، واسا ورکرز کو دل لگا کر کام کرنے کی تلقین کی۔وزیراعلی مریم نواز نے واسا ورکرز کیلئے نئی بہترین مشینری کی فراہمی خوش آئند قرار دی ہے ۔صوبائی وزیر بلال یاسین اور سیکرٹری ہائوسنگ نورالامین مینگل نے بریفنگ دی۔

(جاری ہے)

بریفنگ کے دوران بتایاگیاکہ پہلے مرحلے میں پنجاب کے واساز کو 12 اقسام کی 272 مشینیں فراہم کر دی گئی ہیں۔

واساز کو لوڈر رکشہ، ٹریکٹر ٹرالی، سیور ونچ مشین اور ڈی سیلٹنگ مشین فراہم کر دی گئیں۔ سیور جیٹنگ مشین، ڈی واٹرنگ پمپ، واٹر بازر، ڈمپ ٹرک، ٹریکٹر اور بیکو مشین شامل ہے۔اسی طرح سیور سیکشن مشین، وہیل ایکس کیویٹر، ٹرک بوم کرین بھی واسا ڈسٹرکٹس میں پہنچ گئی ہیں۔ وزیراعلی نے کہاکہ ہر شہر کے ہر شہری کیلئے آسانی اور سہولت ہمارا عزم ہے۔ پنجاب میں واسا نیٹ ورک کو دو سے 41 اضلاع تک وسیع کر دیا گیا ہے۔ عوام کی آسانی کیلئے موثر سیوریج اور جدید نکاسی آب کے سسٹم کو اپ گریڈ کررہے ہیں۔