حکومت کا سی پیک پاورمنصوبوں کا مہنگا قرض، سعودی عرب سے سستا قرض لےکر اتارنے کا پلان

چین کا قرض واپس کرنے کیلئے حکومت کو2026 سے 2034 تک 10ارب ڈالر چاہیئے، صحافی شہباز رانا کی خبر

ثنااللہ ناگرہ ہفتہ 18 جولائی 2026 23:22

حکومت کا سی پیک پاورمنصوبوں کا مہنگا قرض، سعودی عرب سے سستا قرض لےکر ..

اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 18 جولائی 2026ء ) صحافی شہباز رانا کے مطابق حکومت کا سی پیک پاورمنصوبوں کا مہنگا قرض، سعودی عرب سے سستا قرض لیکر اتارنے کا پلان ہے۔ ایکسپریس نیوز کے پروگرام میں گفتگو کرتے ہوئے کہا کہ سی پیک کے تحت جو پراجیکٹ لگے تھے ان کی 2018سے ری پیمنٹ اسٹارٹ ہوچکی ہیں، لیکن آگے بڑھ رہی ہیں۔

(جاری ہے)

حکومت کی خواہش ہے کہ چین کا مہنگا قرضہ سعودی عرب سے سستا قرض لے کر واپس کردیا جائے، حکومت نے سعودی عرب، ورلڈ بینک اور دیگر کچھ اداروں سے بھی بات کی ہے۔

🚨بریکنگ نیوز🚨
⚠️شہباز رانا کی اہم خبر⚠️
حکومت کا سی پیک پاور منصوبوں کا مہنگاقرض سعودی عرب سےسستا قرض لیکرچکانے کا پلان،2034تک10ارب ڈالردرکار،حکومت کی سعودی عرب سے15سال کیلئے 1 فیصدسود پر 6.7 ارب ڈالر کے رعایتی آئل فنانسنگ پیکیج کی درخواست@81ShahbazRana @Kamran_Yousaf pic.twitter.com/AJ0EtR9zlz
— The Review (@thereviewexp) July 18, 2026

حکومت کی اسیسمنٹ ہے کہ چین کا قرض واپس کرنے کیلئے حکومت کو 2026 سے لے کر 2034 تک 10ارب ڈالر چاہئے ، اور قیمتیں کم کردی جائیں۔ اسی طرح سعودی عرب کی آئل فنانسنگ کی سہولت اپریل 2026 میں ختم ہوگئی ہے۔ پاکستان نے اب سعودی عرب سے درخواست کی ہے کہ آپ ہمیں سالانہ سہولت کی بجائے طویل مدتی 6.7ارب ڈالر کی ادھار تیل کی سہولت فراہم کردیں۔اسی طرح یہ بھی درخواست کی 6 فیصد سود کی بجائے ایک فیصد سود لیں۔اور مجموعی طور پر یہ ادائیگی 15سالوں میں کی جائے گی۔