Live Updates

اگر امریکا مزید جنگ اور ذلت کا راستہ اختیار کرنا چاہتا ہے تو ایرانی قوم تیار ہے

امریکی دشمن کو جنگ کے نتیجے میں بھاری قیمت چکانا پڑے گی، ہمارے دشمن کو شدید رسوائی کا سامنا کرنا ہوگا۔ایرانی سپریم لیڈر مجتبیٰ خامنہ ای کا پیغام

ثنااللہ ناگرہ ہفتہ 18 جولائی 2026 22:24

اگر امریکا مزید جنگ اور ذلت کا راستہ اختیار کرنا چاہتا ہے تو ایرانی ..

تہران (اردوپوائنٹ اخبار تازہ ترین۔ انٹرنیشنل پریس ایجنسی۔ 18 جولائی 2026ء ) ایرانی سپریم لیڈر مجتبیٰ خامنہ ای نے کہا ہے کہ اگر امریکا مزید جنگ اور ذلت کا راستہ اختیار کرنا چاہتا ہے تو ایرانی قوم تیار ہے، امریکی دشمن کو جنگ کے نتیجے میں بھاری قیمت چکانا پڑے گی، ہمارے دشمن کو شدید رسوائی کا سامنا کرنا ہوگا۔ انہوں نے ایرانی قوم کو اپنے پیغام میں کہا کہ ایرانی قوم نے شہید ایران کو الوداع کہہ کر نئی تاریخ رقم کردی ہے، ایرانی قوم نے شہید ایران کو الوداع کہہ کرقومی عزم کی نئی مثال قائم کی۔

امریکا نے مفاہمتی یاداشت کی بار بار خلاف ورزی کی، امریکی خلاف ورزیوں نے ثابت کیا کہ ٹرمپ کے دستخط کی کوئی حیثیت نہیں ہے، ٹرمپ کے دستخط بے معنی ہیں۔ امریکا نے بار بار معاہدے کی خلاف ورزی کرکے دنیا کو اپنا اصلی چہرہ دکھایا۔

(جاری ہے)

بالا دستی اور جارحیت امریکی پالیسی کا لازمی حصہ ہے۔ قومی اتحاد کا تحفظ اور تفرقے سے گریز ہر فرد کی ذمہ داری ہے۔

سیاسی اختلافات اور سماجی تقسیم کو ہوا دینے سے اجتناب کیا جائے ۔مجتبیٰ خامنہ ای نے کہا کہ اگر امریکا مزید جنگ اور ذلت کا راستہ اختیار کرنا چاہتا ہے تو ایرانی قوم تیار ہے۔ اگر امریکا اپنی ذلت کا راستہ اختیار کرنا چاہتا ہے تو ایرانی قوم تیار ہے۔

امریکا کو ناقابل فراموش سبق سکھانے کیلئے تیار ہیں۔امریکی دشمن کو جنگ کے نتیجے میں بھاری قیمت چکانا پڑے گی۔ ایران دشمن کو شدید رسوائی کا سامنا کرنا ہوگا۔