پنجاب کے 41 اضلاع میں بارش کے پانی کی نکاسی، صفائی اور ریسکیو آپریشن جاری

آپریشن میں لوکل گورنمنٹ، واسا، ستھراپنجاب، ضلعی انتظامیہ سمیت دیگر متعلقہ محکمے حصہ لے رہے ہیں گوجرانوالہ کی لالہ زار کالونی، جناح روڈ، سول لائنز شمسی انڈر پاس، شیخوپورہ روڈ بھی نکاسی آب کے بعد ٹریفک کے لئے کھلی ہیں حافظ آباد، حافظ آباد ڈی ایچ کیو روڈ، جلال پور بھٹیاں روڈ، کلمہ چوک، کچہری روڈ، سکھیکی روڈاور شارجہ چوک سے پانی کی فوری نکاسی کے بعد صفائی کاعمل مکمل

اتوار 26 جولائی 2026 17:50

لاہور(اُردو پوائنٹ اخبارتازہ ترین - این این آئی۔ 26 جولائی2026ء) پنجاب کے 41 اضلاع میں بارش کے پانی کی نکاسی، صفائی اور ریسکیو آپریشن جاری ہے -آپریشن میں لوکل گورنمنٹ، واسا، ستھراپنجاب، ضلعی انتظامیہ سمیت دیگر متعلقہ محکمے حصہ لے رہے ہیں - لاہور میں ایم اے جناح روڈ، راوی روڈاورشہر کی مرکزی شاہراہیں فوری نکاسی آب سے صاف کردی گئیں اور ٹریفک رواں دواں ہے -سرگودھا کی گلیوں، بازاروں اور محلوں میں پانی کے انخلاء کے بعد صفائی کا عمل شروع ہے -گوجرانوالہ کی لالہ زار کالونی، جناح روڈ، سول لائنز شمسی انڈر پاس، شیخوپورہ روڈ بھی نکاسی آب کے بعدٹریفک کے لئے کھلی ہیں - سیالکوٹ سمبڑیال،پسرورمیں بھی نکاسی آب کے بعدسڑکیں صاف ہیں اور ٹریفک کی آمد رفت جاری ہی- حافظ آباد، حافظ آباد ڈی ایچ کیو روڈ، جلال پور بھٹیاں روڈ، کلمہ چوک، کچہری روڈ، سکھیکی روڈاور شارجہ چوک سے پانی کی فوری نکاسی کے بعد صفائی کاعمل بھی مکمل کرلیا گیا ہے -وزیراعلی پنجاب مریم نوازشریف تمام اضلاع میں آپریشن کی براہ راست نگرانی کررہی ہیں-