Live Updates

ایران میں حکومت کی تبدیلی سے مراد لازمی طور پر حکومت کا مکمل خاتمہ نہیں. مارکوروبیو

حکومت کی تبدیلی اور نظام کی مکمل تبدیلی کے درمیان عملی فرق موجود ہے .امریکی وزیرخارجہ کا انٹرویو

میاں محمد ندیم اتوار 2 اگست 2026 12:58

ایران میں حکومت کی تبدیلی سے مراد لازمی طور پر حکومت کا مکمل خاتمہ نہیں. ..

واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔02 اگست ۔2026 ) امریکی وزیر خارجہ مارکو روبیو نے کہا ہے کہ ایران میں حکومت کی تبدیلی سے مراد لازمی طور پر حکومت کا مکمل خاتمہ نہیں بلکہ اس کے کردار، نوعیت اور طرزعمل میں تبدیلی ہے امریکی نشریاتی ادارے” فاکس نیوز“ کے ساتھ انٹرویو میں مارکو روبیو نے کہا کہ ممکن ہے ہم حکومت کی تبدیلی سے مراد مکمل اقتدار کا خاتمہ نہ دیکھیں لیکن خود اس نظام کی نوعیت میں تبدیلی ضروری ہے.

(جاری ہے)

انہوں نے کہا کہ ایرانی حکومت کا رویہ ہمیشہ بیرونی مداخلت اور توسیع پسندانہ پالیسیوں پر مبنی رہا ہے وہ صرف ایران پر حکمرانی نہیں کرنا چاہتے بلکہ پورے خطے پر اپنا اثر و رسوخ قائم کرنا چاہتے ہیں اس صورتحال کو تبدیل ہونا ہوگا اور اسے تبدیل کرنے کا واحد راستہ یہ ہے کہ ان پر ایسا دباﺅ ڈالا جائے جسے وہ مزید برداشت نہ کر سکیں. امریکی وزیر خارجہ نے کہا کہ حکومت کی تبدیلی اور نظام کی مکمل تبدیلی کے درمیان عملی فرق موجود ہے کیونکہ ان کے مطابق کسی مخصوص معاہدے کے برعکس کسی حکومت کے رویے کو تبدیل کرنا ایک ایسا عمل ہے جس کا کوئی واضح اختتامی نقطہ نہیں ہوتا.

مارکوروبیو نے کہا کہ جوہری معاہدہ کیا جا سکتا ہے اور اس پر عمل درآمد کی تصدیق بھی کی جا سکتی ہے تاہم کسی حکومت کو اپنی علاقائی حکمت عملی ترک کرنے پر مجبور کرنا ایک مسلسل عمل ہے، اس لیے اس دباﺅ کے خاتمے کے لیے کوئی واضح مدت مقرر نہیں کی جا سکتی.