ریت کا ٹھیکہ پی ٹی آئی ٹکٹ ہولڈر عبداللہ طاہر کے قتل کی وجہ بنا

نارووال کے زمان کوگی بٹ نے ریت کے ٹھیکے کے تنازعہ پر اجرتی قاتلوں سے ذریعے عبداللہ طاہر کو قتل کروایا.رپورٹ

میاں محمد ندیم اتوار 2 اگست 2026 13:18

ریت کا ٹھیکہ پی ٹی آئی ٹکٹ ہولڈر عبداللہ طاہر کے قتل کی وجہ بنا

لاہور(اردوپوائنٹ اخبارتازہ ترین-انٹرنیشنل پریس ایجنسی۔02 اگست ۔2026 ) تحریک انصاف کے راہنما اور ٹکٹ ہولڈر عبداللہ طاہر کے قتل کیس میں اہم پیش رفت سامنے آئی ہے جس کے مطابق ریت کا ٹھیکہ قتل کی وجہ بنا اور اس قتل میں نارووال کے رہائشی زمان کوگی بٹ کا نام سامنے آیا ہے جس نے اجرتی قاتلوں ذریعے عبداللہ طاہر کو قتل کروایا.

(جاری ہے)

نجی ٹی وی پولیس ذرائع کے حوالے سے بتایا ہے کہ کوگی بٹ نے عبداللہ طاہر کو نارووال میں ریت کا ٹھیکہ لینے سے منع کیا مگرعبداللہ طاہر نے اسکے باوجود نارووال میں ریت کا ٹھیکہ لیا، کوگی بٹ نے عبداللہ طاہر کو اسی رنجش میں شوٹرز سے قتل کروا دیا، بتایا گیا ہے کہ ملزم کوگی بٹ امریکا میں مقیم ہے.

پولیس حکام نے کہا کہ کوگی بٹ کی گرفتاری کے لیے ریڈ وارنٹ جاری کروائے جا رہے ہیں، کوگی بٹ اپنے حقیقی بھائی سمیت 20 پر قریب افراد کے قتل کا الزام ہے‘پولیس کا کہنا ہے کہ اجرتی قاتلوں کے دو ساتھیوں کی گرفتاری کے لیے چھاپے مارے جارہے ہیں. ادھر حکام نے اعتراف کیا ہے کہ انہیں امریکا میں ملزم کے ٹھکانے اور اسٹییٹس کے بارے میں معلوم نہیں اور امریکا کے ساتھ مجرموں کے تبادلے کا کوئی باضابط معاہدہ نہ ہونے کی وجہ سے انٹرپول کے ذریعے ملزم کو پاکستان لانا ممکن نہیں ہے.