میکس نہ تو جعلی انگوٹھے لگا کر جیل جاتا ہے اور نہ ہی عوام کا پیسہ لوٹ کر ملک سے فرار ہوتا ہے، شاہد آفریدی کا معید پیرزادہ کو جواب

شاہد آفریدی نے سوشل میڈیا پر خوشی کا اظہار کرتے ہوئے میکس کی واپسی پر مدد کرنے والے تمام افراد کا شکریہ ادا کیا

ذیشان مہتاب پیر 17 اگست 2026 15:34

میکس نہ تو جعلی انگوٹھے لگا کر جیل جاتا ہے اور نہ ہی عوام کا پیسہ لوٹ ..

اسلام آباد (اردو پوائنٹ تازہ ترین اخبار ۔ 17 اگست 2026ء ) قومی ٹیم کے سابق کپتان شاہد آفریدی نے اپنے گمشدہ کتے کے ملنے پر سینئر صحافی معید پیرزادہ کی جانب سے کی جانے والی تنقید کا جواب دیدیا ہے۔

پاکستان کرکٹ ٹیم کے سابق کپتان و اسٹار آل راؤنڈر شاہد خان آفریدی کا گزشتہ روز گم ہونے والا پالتو کتا مل گیا جس پر انہوں نے خوشی کا اظہار کیا۔

سابق کپتان کا پالتو کتا گزشتہ روز اسلام آباد میں کھو گیا تھا، شاہد آفریدی نے سماجی رابطے کی ویب سائٹ’’ ایکس‘‘ پر جاری پیغام میں اپنے پالتو کتے کی گم شدگی کی اطلاع دی تھی۔

اب شاہد آفریدی نے سوشل میڈیا پر اپنے کتے کے واپسی کی اطلاع شیئر کرتے ہوئے کہا کہ میرا کتا مل گیا ہے اور بحفاظت گھر پہنچ گیا ہے۔

(جاری ہے)

سابق کپتان نے اپنے پیغام میں کہا کہ ان تمام لوگوں کا دل کی گہرائیوں سے شکریہ جنہوں نے سوشل میڈیا پر میری پوسٹ کو سپورٹ کیا، اس شاندار کمیونٹی کے تعاون کے بغیر یہ ممکن نہیں تھا۔

Max is found and safe at home! ❤️ Thank you so much to everyone who liked, commented, and shared. We couldn't have done it without this incredible community! 🙏✨#MAX #CommunityPower #thankyou pic.twitter.com/sR47Ic8iPX
— Shahid Afridi (@SAfridiOfficial) August 16, 2026

سینئر صحافی معید پیرزادہ نے شاہد آفریدی کے کتے کی واپسی پر اپنے خیالات کا اظہار کرتے ہوئے لکھا کہ ’’کاش کے بلوچستان، خیبر پختونخواہ اور کشمیر کے Missing Persons بھی شاہد آفریدی کے کتے کی طرح واپس گھر آ سکتے! کاش ان پاکستانیوں کے حقوق آفریدی صاحب کے کتے جتنے ہی ہوتے‘‘!۔

کاش کے بلوچستان، خیبر اور کشمیر کے Missing Persons بھی شاہد آفریدی کے کتے کی طرح واپس گھر آ سکتے! کاش ان پاکستانیوں کے حقوق آفریدی صاحب کے کتے جتنے ہی ہوتے! https://t.co/z39h2MN1wd
— Moeed Pirzada (@MoeedNj) August 16, 2026

معید پیرزادہ کے اس ٹویٹ کے جواب میں شاہد آفریدی نے لکھا کہ ’’ میں نے صرف اپنے لاپتا پالتو جانور کی واپسی کی اپیل کی تھی اور کمیونٹی نے مدد کی۔

اس پر بھی سیاست چمکانا تمہاری گرتی ہوئی سوچ کو ظاہر کرتا ہے۔ ویسے Max تم سے ہزار گنا بہتر ہے، کیونکہ وہ نہ تو جعلی انگوٹھے لگا کر جیل جاتا ہے اور نہ ہی عوام کا پیسہ لوٹ کر ملک سے فرار ہوتا ہے‘۔ انہوں نے اپنے ٹویٹ کے آخر میں #میکس_گھر_آگیا_اب_تم_بھی_آجاو‘ کا ہیش ٹیگ بھی استعمال کیا۔

میں نے صرف اپنے لاپتا پالتو جانور کی واپسی کی اپیل کی تھی اور کمیونٹی نے مدد کی۔ اس پر بھی سیاست چمکانا تمہاری گرتی ہوئی سوچ کو ظاہر کرتا ہے۔ ویسے Max تم سے ہزار گنا بہتر ہے، کیونکہ وہ نہ تو جعلی انگوٹھے لگا کر جیل جاتا ہے اور نہ ہی عوام کا پیسہ لوٹ کر ملک سے فرار ہوتا ہے۔… https://t.co/XBye5yd7I4
— Shahid Afridi (@SAfridiOfficial) August 17, 2026