پنجاب کے 11اضلاع میں8ماہ کے دوران 29 بچوں سے زیادتیوں کے واقعات رپورٹ

صرف 11واقعات کے چالان عدالتوں میں جمع کروائے جا سکے، 4 کیسز میں ملزمان سے تا حال تفتیش جاری ہے. پولیس حکام

میاں محمد ندیم اتوار 30 اگست 2026 19:03

پنجاب کے 11اضلاع میں8ماہ کے دوران 29 بچوں سے زیادتیوں کے واقعات رپورٹ

لاہور(اردوپوائنٹ اخبارتازہ ترین-انٹرنیشنل پریس ایجنسی۔30 اگست ۔2026 ) صوبہ پنجاب میں8ماہ کے دوران 11اضلاع میں 29 بچوں سے زیادتیوں کے واقعات رپورٹ ہوئے، پولیس ریکارڈ کے مطابق بچوں سے زیادتی اور قتل کے 16 مقدمات درج کیے گئے.

(جاری ہے)

نجی ٹی وی کے مطابق پولیس کا کہنا ہے کہ تمام بچوں کو زیادتی کا نشانہ بنا کر قتل کیا گیا، واقعات میں ملوث 20 ملزمان کو گرفتار کیا گیا شیخوپورہ میں ایک، گوجرانوالہ میں 2، سرگودھا میں 9 واقعات ہوئے میانوالی میں 2 ٹوبہ ٹیک سنگھ میں ایک، جھنگ میں ایک واقعہ ہوا، فیصل آباد میں 3 خانیوال میں 2 مظفر گڑھ میں 2 بہاولپور میں 4 اور رحیم یار خان میں بھی 2 واقعات پیش آئے. پولیس ریکارڈ کے مطابق اب تک صرف 11واقعات کے چالان عدالتوں میں جمع کروائے جا سکے، 4 کیسز میں ملزمان سے تا حال تفتیش جاری ہے.