پشاور ہائیکورٹ ،پولیس مقابلے میں مارے گئے مطلوب اشتہاری مجرم کی لاش اصل وارثین کے حوالے کرنے کا حکم دے دیا

منگل 1 ستمبر 2026 19:30

․ پشاور(اُردو پوائنٹ اخبارتازہ ترین - این این آئی۔ 01 ستمبر2026ء) پشاور ہائیکورٹ نے پولیس مقابلے میں مارے گئے مطلوب اشتہاری مجرم کی لاش اصل وارثین کے حوالے کرنے کا حکم دے دیا۔

(جاری ہے)

عدالت میں سماعت کے دوران درخواست گزار کے وکیل نے مؤقف اختیار کیا کہ مقتول اشتہاری مجرم بحرین سے گرفتاری کے بعد پولیس مقابلے میں ہلاک ہوا تھا، اور اس کی لاش والدہ اور بھائی کے سپرد کی جائے۔

اس پر ایڈیشنل ایڈووکیٹ جنرل نے عدالت کو بتایا کہ پولیس لاش اصل ورثائ کے حوالے کرنے کے لیے تیار ہے۔ عدالت نے فریقین کے دلائل سننے کے بعد حکم دیا کہ مقتول کی لاش اس کی والدہ اور بھائی کے حوالے کی جائے، قبرستان میں قبر کھودنے میں کوئی رکاوٹ نہ ڈالی جائے، جبکہ اسپتال انتظامیہ لاش کی ویڈیو ریکارڈ کر کے اپنے پاس محفوظ رکھے۔