Live Updates

پٹواریوں نے عوام پر ایک اور مہلک پیٹرول بم پھینک دیا، مونس الٰہی کی حکومت پر شدید تنقید

اپنی عیاشیوں میں ایک دھیلا کم نہ کرنے والے 47 نمبری حکمران عوام پر ایک عذاب ہیں؛ سابق وفاقی وزیر کی ایکس پوسٹ

ساجد علی جمعرات 10 ستمبر 2026 12:20

پٹواریوں نے عوام پر ایک اور مہلک پیٹرول بم پھینک دیا، مونس الٰہی کی ..

لاہور (اُردو پوائنٹ اخبارتازہ ترین۔ 10 ستمبر 2026ء) پاکستان تحریک انصاف (پی ٹی آئی) کے رہنما اور سابق وفاقی وزیر مونس الٰہی نے پیٹرول اور ڈیزل کی قیمتوں میں مسلسل اضافے پر حکومت کو شدید تنقید کا نشانہ بناتے ہوئے موجودہ حکمرانوں کو عوام کے لیے عذاب قرار دے دیا۔ تفصیلات کے مطابق حکومت کی جانب سے پیٹرولیم مصنوعات پر عائد بھاری ٹیکسز، لیوی اور حالیہ اضافے پر ردِعمل دیتے ہوئے مونس الٰہی نے سوشل میڈیا پلیٹ فارم ایکس پر اپنے سخت بیان میں لکھا کہ پٹواریوں نے عوام پر ایک اور مہلک پیٹرول بم پھینک دیا ہے، جس کے نتیجے میں ملک میں قیمتوں کو آگ لگ چکی ہے۔

پٹواریوں نے عوام پر ایک اور مہلک پٹرول بم پھینک دیا۔ قیمتوں کو آگ لگ گئ۔ اپنی عیاشیوں میں ایک دھیلا کم نہ کرنے والے 47 نمبری حکمران عوام پر ایک عذاب۔
— Moonis Elahi (@MoonisElahi) September 8, 2026

سابق وفاقی وزیر نے موجودہ حکمرانوں کی پالیسیوں اور حکومت کی قانونی حیثیت پر سوال اٹھاتے ہوئے مزید کہا کہ حکمران اپنی ذاتی عیاشیوں اور سرکاری اخراجات میں ایک دھیلے کا کٹ لگانے یا کمی کرنے کو تیار نہیں ہیں، جبکہ اس کا تمام تر بوجھ غریب عوام پر ڈالا جا رہا ہے۔

(جاری ہے)

پی ٹی آئی رہنما نے حکومت پر طنز کرتے ہوئے لکھا کہ یہ فارم 47 کے ذریعے آنے والے ’47 نمبری حکمران‘ اس وقت غریب اور پسی ہوئی عوام پر ایک عذاب بن کر نازل ہو چکے ہیں۔