جمائمہ نے دوسری شادی کی تصاویر شیئر کردیں، قاسم اور سلیمان کی بھی شرکت

شادی کو خوبصورت بنانے والے تمام اپنوں کا شکریہ! اس دن کو ہمارے لیے خاص بنانے پر سب کی ممنون ہوں؛ انسٹا گرام پوسٹ

ساجد علی جمعرات 17 ستمبر 2026 15:08

جمائمہ نے دوسری شادی کی تصاویر شیئر کردیں، قاسم اور سلیمان کی بھی شرکت

لندن (اُردو پوائنٹ اخبارتازہ ترین۔ 17 ستمبر 2026ء) پاکستان تحریک انصاف کے بانی چیئرمین عمران خان کی سابقہ اہلیہ معروف ایوارڈ یافتہ اسکرپٹ رائٹر اور پروڈیوسر جمائمہ گولڈ اسمتھ نے آسٹریلوی آئرش فنانسر کیمرون اورائلی کے ساتھ اپنی شادی کی دلکش تصاویر سوشل میڈیا پر شیئر کردیں۔ تفصیلات کے مطابق دستاویزی فلموں کی تیاری کے سلسلے میں ہونے والی پروفیشنل ملاقات کے بعد دونوں کے درمیان گزشتہ ایک سال سے گہرے تعلقات قائم تھے جو بالآخر شادی کے بندھن میں بدل گئے، جمائمہ اور کیمرون کی شادی کی خبر سب سے پہلے ان کی بھابھی جمائمہ جونز یعنی ان کے بھائی بین گولڈ اسمتھ کی اہلیہ نے سوشل میڈیا پر شیئر کی تھی، جنہوں نے اپنے شوہر کے ساتھ تقریب کی ایک خوبصورت تصویر پوسٹ کرتے ہوئے جمائمہ اور کیمرون کو زندگی کے نئے سفر کے آغاز پر مبارکباد دی تھی اور اس دن کو ایک یادگار اور خوشگوار دن قرار دیا تھا۔

(جاری ہے)

View this post on Instagram

اب خود جمائمہ گولڈ اسمتھ کی جانب سے تصویری کیپشنز اور کیروسل شیئر کرنے کے بعد دنیا بھر سے مداح اور شوبز شخصیات انہیں مبارکباد پیش کر رہے ہیں، برطانیہ اور بین الاقوامی میڈیا میں جمائمہ اور کیمرون اورائلی کی اس نئی شروعات کو بے پناہ پذیرائی مل رہی ہے۔

خیال رہے کہ یہ جمائمہ گولڈ اسمتھ کی زندگی کی دوسری شادی ہے، اس سے قبل انہوں نے سابق پاکستانی وزیراعظم عمران خان سے پہلی شادی کی تھی جو 1995ء سے 2004ء تک یعنی 9 سال قائم رہنے کے بعد طلاق پر ختم ہوئی تھی، عمران خان اور جمائمہ گولڈ اسمتھ کے دو بیٹے سلیمان خان اور قاسم خان ہیں۔