مسئلہ کشمیر کا حل اقوام متحدہ کی قراردادوں کے مطابق ہونا چاہیے، رجب طیب اردوان

ق*جنوبی ایشیا میں امن کے لیے مسئلہ کشمیر کا حل ناگزیر ہے، جنرل اسمبلی سے خطاب

بدھ 23 ستمبر 2026 18:00

‘نیویارک (اُردو پوائنٹ اخبارتازہ ترین - آن لائن۔ 23 ستمبر2026ء) ترک صدر رجب طیب اردوان نے کہا ہے کہ مسئلہ کشمیر کا حل اقوام متحدہ کی قراردادوں کے مطابق ہونا چاہیے۔ جنوبی ایشیا میں امن کے لیے مسئلہ کشمیر کا حل ناگزیر ہے۔؂ اقوام متحدہ کی جنرل اسمبلی سے خطاب میں رجب طیب اردوان نے کہا کہ کشمیر سمیت تمام تنازعات کو اقوام متحدہ کے چارٹر کے تحت حل کیا جائے۔

(جاری ہے)

انہوں نے پاک بھارت تنازعات کے حل کے لیے بامقصد مذاکرات پر بھی زور دیا۔ترک صدر نے ایک بار پھر کشمیری عوام کی امنگوں کی ترجمانی کرتے ہوئے پاکستان کے مؤقف کی تائید کی۔ وزیراعظم شہباز شریف کی موجودگی میں ترک صدر نے مسئلہ کشمیر پر مؤقف پیش کیا۔ترک صدر نے فلسطین سمیت تمام مظلوم اقوام کا مقدمہ بھی جنرل اسمبلی میں پیش کیا۔ انہوں نے کہا کہ اقوام متحدہ اپنا کردار ادا کرنے میں ناکام رہی ہے۔سیاسی مبصرین کے مطابق ترک صدر کا خطاب عالمی میڈیا میں بھی نمایاں رہا۔