4 اکتوبر کی تاریخ بدلنے کی کوئی وجہ نظر نہیں آ رہی، سلمان اکرم راجہ

ہفتہ 26 ستمبر 2026 21:45

اسلام آباد (اُردو پوائنٹ اخبارتازہ ترین - این این آئی۔ 26 ستمبر2026ء) سیکرٹری جنرل پی ٹی آئی سلمان اکرم راجہ نے کہا کہ 27ستمبر کا فیصلہ بھی واضح تھا، 4اکتوبر کا بھی واضح ہے، کوئی وجہ نظر نہیں آرہی کہ 4اکتوبر کی تاریخ کو بدلیں۔

(جاری ہے)

نجی ٹی وی سے گفتگو کترے ہوئے سلمان اکرم راجہ نے کہا کہ ہم انتشار نہیں چاہتے، چاہتے ہیں ہاتھوں میں پھول لے کر آئیں، سیاسی جماعت ہراول دستہ اور قوم تبدیلی لاتی ہے، فیصلہ قوم نے کرنا ہوتا ہے۔

انہوں نے کہا کہ ہمارا کام پرامن جدوجہد کرنا ہے، مذاکرات سے متعلق اختیار محمود اچکزئی اور علامہ راجہ ناصر عباس کے پاس ہے۔سلمان اکرم راجہ نے کہا کہ ہم نہیں سمجھتے کہ ہمیں عدالت سے کوئی انصاف ملے گا، اگر یہ گورنر راج لگاتے ہیں تو پھر فیصلہ عوام کو ہی کرنا ہوگا۔انہوں نے کہا کہ یہ کچھ بھی کرسکتے ہیں، کسی سفید کاغذ پر کالے لفظ لکھے جاسکتے ہیں۔