نیو اسلام آباد ایئر پورٹ پراجیکٹ کے لاپتہ ڈائریکٹر شاہد اسلم گھر واپس پہنچ گئے

اسلام آباد پولیس نے تصدیق کر دی

جمعرات 22 جون 2017 23:32

اسلام آباد(اُردو پوائنٹ اخبار آن لائن۔ جمعہ 23 جون 2017ء) نیو اسلام آباد ایئر پورٹ پراجیکٹ کے پراسرار طور پر لاپتہ ڈائریکٹر شاہد اسلم گھر واپس پہنچ گئے، اسلام آباد پولیس نے ان کے گھر پہنچنے کی تصدیق کر دی، تفصیلات کے مطابق نیو اسلام آباد ایئرپورٹ کے پراجیکٹ ڈائریکٹر شاہد اسلم15جون کو اسلام آباد سے پراسرار طور پر غائب ہوگئے تھے ۔

(جاری ہے)

سلام آباد کے تھانہ مارگلہ میں ان کی گمشدگی کا مقدمہ درج تھا، وہ گزشتہ روز گھر واپس پہنچ گئے ہیں ، پولیس نے ان کی گھر واپسی کی تصدیق کر دی ہے اور کہا ہے کہ شاہد اسلم سے تفتیش کے بعد ان کے اغواء کا مقدمہ درج کیا جائے گا اور اغوا کاروں کے خلاف کارروائی کی جائے گی۔۔