2050 تک دنیا کی آبادی 9 ارب سے تجاوز کر جائے گی:اقوام متحدہ نے خبردار کر دیا

پوری آبادی کا 50 فیصد پاکستان سمیت 10ممالک میں آباد ہوگا،رپورٹ

جمعرات 22 جون 2017 13:59

نیویارک (اُردو پوائنٹ اخبار آن لائن۔ جمعہ 23 جون 2017ء) اقوام متحدہ نے خبردار کیا ہے کہ دنیا کی مجموعی آبادی 2050 تک 9 ارب 80 کروڑ تک پہنچ جائے گی، پوری آبادی کا 50 فیصد پاکستان سمیت 10ممالک میں آباد ہوگا۔

(جاری ہے)

اقوام متحدہ کی رپورٹ کے مطابق دنیا کی موجودہ آبادی 7 ارب 60 کروڑ ہے، جو 2030 تک 8 ارب 60 کروڑ تک پہنچ جائے گی، 2050 تک مجموعی آبادی 9 ارب 80 کروڑ جبکہ اس صدی کے آخر تک یہ 11 ارب سے بھی تجاوز کرجائے گی۔

ایک اندازے کے مطابق آبادی میں ہر سال 8 کروڑ 30 لاکھ کا اضافہ ہو رہا ہے، رپورٹ میں کہا گیا ہے کہ 233 ممالک کی اس آبادی کا نصف صرف دس ممالک میں آباد ہے، ان دس ممالک میں بھارت، نائیجریا، کونگو، پاکستان ، ایتھوپیا، تنزانیہ، امریکا یوگنڈا اور انڈونیشیا شامل ہیں۔رپورٹ کے مطابق 2024 تک بھارت چین کو پیچھے چھوڑتے ہوئے دنیا کا سب سے زیادہ آبادی والاملک بن جائیگا۔