Perricone Diet - Article No. 2721

یوں تو ہزاروں اقسام کے صحت مند غذائی پلان دستیاب ہیں جن میں سے ایک پیری کون ڈائٹ بھی ہے جو وزن گھٹانے کا محفوظ پلان ہے۔اکثر افراد اپنی جسامت کے برعکس ڈائٹ پلان اختیار کرتے ہیں جس سے ناصرف ان کی قوت مدافعت متاثر ہوتی ہے بلکہ صحت کے حوالے سے دیگر مسائل بھی پیدا ہو جاتے ہیں۔
ڈاکٹر رابن اسپین کے جانے مانے ماہر غذائیت ہیں۔ان کا کہنا ہے کہ ہزاروں ڈائٹ پلانز ہیں صرف پانچ ایسے ہیں جو واقعی کارآمد اور مفید ہیں ان میں سے ایک پیری کون بھی ہے۔اس غذا کے استعمال سے زیادہ وزن نہیں گرتا بلکہ ہفتے میں ایک یا آدھا کلو کم ہوتا ہے۔اس ڈائٹ پلان میں ہر فوڈ گروپ کی غذا استعمال کی جاتی ہے تاہم کچھ کی مقدار بڑھا دی جاتی ہے اور کچھ کی گھٹا دی جاتی ہے۔
اس طریقہ کار میں ہمیں سمجھا دیا جاتا ہے کہ غذا کو کس طرح سود مند طریقے سے استعمال کیا جانا چاہئے۔

(جاری ہے)

پیری کون ڈائٹ کی خاصیت یہ ہے کہ یہ سوجن اور خلیوں کی آکسیڈیشن کو روکتا ہے جس سے انفیکشن سے بچاؤ کے علاوہ بڑھاپے کا عمل بھی سست ہو جاتا ہے۔

یہ اہم نہیں کہ آپ کتنے روز میں وزن کم کر رہے ہیں بلکہ اہم بات یہ ہے کہ غذا کے ردو بدل کے بعد اس کے اثرات اچھے مرتب ہو رہے ہیں یا نہیں۔
پیری کون ڈائٹ کے مطابق ہمیں روزانہ جن غذاؤں کا استعمال کرنا ہے ان میں سالن مچھلی،تازہ پھل،ہری سبزیاں،دلیہ اور ایکسٹرا ورجن اولیو آئل شامل ہیں۔ان تمام غذاؤں کے جلد پر بہت اچھے اثرات مرتب ہوتے ہیں۔ڈاکٹر کہتے ہیں کہ اگر آپ صرف کچی سبزیوں اور پھلوں کے ساتھ بادام کا دودھ ڈائٹ پلان میں شامل کرتے ہیں تو یہ کم مدت کے لئے وزن کم کرنے کا پلان ہے لیکن یہ مشکل اور انتہائی عمل ہے۔اس میں آپ تین ہفتوں میں ساڑھے 4 سے 6 کلو وزن کم کر لیتے ہیں۔اس کا انحصار مستقل مزاجی،جسمانی ساخت اور سرگرمیوں پر ہے۔اسی طرح Bio-Protein اور Dissociated ڈائٹ بھی ہیں لیکن ماہرین غذائیت کا کہنا ہے کہ سب سے بہترین طریقہ یہ ہے کہ آپ پانچ مختلف پھلوں،سبزیوں،کمپلیکس،کاربوہائیڈریٹ،پانی،فائبر،ایک لیٹر دودھ،دو لیٹر پانی اور 15 یا 30 منٹ کی ورزش کریں۔
پروٹین ڈائٹ کو ماہرین غذائیت پسند نہیں کرتے وہ متوازن غذا ہی کے استعمال کو ترجیح دیتے ہیں۔
فربہ بچوں کو کینڈیز،چاکلیٹس اور مٹھائیاں دینے کے بجائے تازہ پھل کھانے کی ترغیب دینی چاہئے۔ابتدائی عمر ہی میں De-Stress ورزشیں جن میں یوگا اور پلاٹینر شامل ہیں کرنی چاہئیں۔
میک اپ بھی غیر معمولی آرٹ ہے
تازہ دم،متحرک اور خوش باش نظر آنے کے لئے ہلکا میک اپ کرنا ضروری ہے۔یہ اپنی مخصوص جلد کے مطابق ہو مگر ہلکے شیڈز اور ٹونز میں ہو تو بھلا لگتا ہے۔لپ اسٹک ہلکے گلابی رنگ کی لگے اور ہلکا کول پنک یا پیچ رنگ رخساروں کی کشش نمایاں کر دیں گے۔یہ چھوٹی چھوٹی باتیں اور صحت مند طرز زندگی اختیار کر کے وزن اور خدوخال پُرکشش ظاہر کیا جاتا ہے۔