اوپن یونیورسٹی‘ غریب اور مستحق طلبہ کو داخلہ فیس میں رعایت اور وظائف دینے کا اعلان

اسلام آباد(اُردو پوائنٹ اخبارتازہ ترین - این این آئی۔ 26 جنوری2020ء) علامہ اقبال اوپن یونیورسٹی نے غریب اور مستحق طلبہ کو مالی معاونت فراہم کرنے کے لئے سکالرشپس اسکیموں کو جاری رکھنے کا فیصلہ کیا ہے ،ْ اِن اسکیموں میں میرٹ سکالرشپ اسکیم ،ْ ارن ٹو لرن اسکیم ،ْ فائنل ائیرپراجیکٹ گرانٹ ،ْ اسکالرشپ فار )نابینا حضرات ،ْ جیلوں میں مقید افراد ،ْ معذور افراد ،ْ خواجہ سراء اور شہدا کے بچی( شامل ہیں ۔

ان تمام سکیموں کی تفصیلات جاننے کے لئے اور ان سے استفادہ حاصل کرنے کے لئے طلبہ کو یونیورسٹی کے سٹوڈنٹس ایڈوائزری اینڈ کونسلنگ سروسسز اور قریب ترین علاقائی دفترسے رجوع کرنے کی ہدایت کی گئی ہے۔ سمسٹربہار2020ء کے پہلے مرحلے کے داخلے جاری ہیں ،ْ میٹرک ،ْ ایف اے ،ْ چھ ماہ دورانیہ کے سرٹیفیکیٹ اور اوپن ٹیک کورسسز میں داخلہ فارم جمع کرانے کی آخری تاریخ 21۔

(جاری ہے)

فروری جبکہ پی ایچ ڈی ،ْ ایم ایس /ایم فل ،ْ ایم ایس سی اور بی ایس)فیس ٹو فیس(پروگرامز میں داخلہ فارم جمع کرانے کی آخری تاریخ 14۔فروری مقرر کی گئی ہے۔وائس چانسلر ،ْ پروفیسر ڈاکٹرضیاء القیوم کے مطابق اوپن یونیورسٹی ایک قومی یونیورسٹی ہے اس لئے ملک بھر میں موجود ہر مستحق اور غریب طالبہ یا طالبعلم کو معیاری تعلیم و تربیت کے یکساں مواقع کی فراہمی اس کی بنیادی ذمہ داری ہے تاکہ خدادا د ذھنی صلاحیتیں رکھنے والا کوئی ایک نوجوان بھی محض مالی و سائل کی کمی کے باعث اعلیٰ اور معیاری تعلیم سے محروم نہ رہ جائے۔

یونیورسٹی کی اسکالرشپ اسکیموں سے کم آمدنی والے لیکن ایسے ذھین طلباء و طالبات سب سے زیادہ فائدہ اٹھا سکیں گے جو محض داخلہ فیس ادا کرنے کی استعداد نہ رکھنے کے باعث تعلیم ترک کردینے پر مجبور ہوجاتے ہیں۔ان منصبوں پر عملدرآمد پاکستان کے چاروں صوبوں ،ْ آزاد کشمیر اور شمالی علاقہ جات میں موجودعلاقائی دفاتر کے ذریعے کیا جارہا ہے اور ان منصوبوں پر عملدرآمد میں شفافیت کو یقینی بنانے کے لئے ایک خصوصی معیار مقرر کیا گیا ہے۔یونیورسٹی کی قائم علاقائی کمیٹیاں طلبہ کی ضروریات کا جائزہ لیں گے اور سکالرشپس کے لئے سفارشات پیش کریں گے۔سکالرشپس کی یہ اسکیمیں یقینی طور پر ملک سے ناخواندگی کے خاتمے میں کلیدی کردار ادا کریںگی۔