اسلام آباد، بالائی و وسطی پنجاب، بالائی خیبرپختونخوا،جنوب مشرقی سندھ اور کشمیر کے اضلاع میں بارش کا امکان

جمعرات 13 اگست 2020 21:20

اسلام آباد ۔ (اُردو پوائنٹ اخبارتازہ ترین - اے پی پی۔ 13 اگست2020ء) وفاقی دارالحکومت اسلام آباد میں مطلع جزوی ابر آلود رہنے کے علاوہ گرج چمک کے ساتھ بارش کا امکان ہے۔ محکمہ موسمیات کے مطابق (آج) جمعہ کو ملک کے بیشترعلاقوں میں موسم گرم اور مرطوب رہے گا تاہم اسلام آباد، بالائی/وسطی پنجاب، بالائی خیبرپختونخوا،جنوب مشرقی سندھ اور کشمیر کے اضلاع میں تیزہواؤں اور گرج چمک کے ساتھ بارش کا امکان ہے۔

(جاری ہے)

گذشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا تاہم بالائی پنجاب، اسلام آباد، بالائی خیبرپختونخوا، کراچی اور کشمیر میں گرج چمک کے ساتھ بارش ہوئی۔ سب سے زیادہ بارش اسلام آباد (زیروپوائنٹ42 ، گولڑہ 40، سید پور 37، ایئر پورٹ 22، بوکرا 15)، پنجاب میں راولپنڈی (چکلالہ 36، شمس آباد 25)، مری 04، خیبرپختونخوا میں کاکول 19 بونیر 05، دیر (لوئر 06)، سندھ میں کراچی (مسرور بیس 04 ، ناظم آباد ، گلستان جوہر 03 ، پی اے ایف بیس ، صدر 02، جناح ٹرمینل 01)، کشمیر میںگڑھی دوپٹہ 18 اورکوٹلی 08 ملی میٹر بارش ریکارڈکی گئی۔

اس دوران ملک میں زیادہ سے زیادہ درجہ حرارت نوکنڈی، دالبندین، دادو، روہڑی، چلاس،پشاور،ڈی آئی خان 44، نورپورتھل اور بھکر میں 43 ڈگری سینٹی گریڈ ریکارڈ کیا گیا۔