کورونا وبا میں مسلسل کمی؛ فعال مریضوں کی تعداد 25 ہزار سے بھی کم رہ گئی

ملک میں کورونا سے جاں بحق ہونے والوں کی مصدقہ تعداد 28 ہزار 328 ہوگئی ، این سی او سی

جمعرات 21 اکتوبر 2021 21:28

کورونا وبا میں مسلسل کمی؛ فعال مریضوں کی تعداد 25 ہزار سے بھی کم رہ گئی
ِاسلام آباد(اُردو پوائنٹ اخبارتازہ ترین - آن لائن۔ 21 اکتوبر2021ء) ملک میں کورونا مریضوں کی تعداد میں بتدریج کمی کا سلسلہ جاری ہے۔ نیشنل کمانڈ اینڈ آپریشن سینٹر کے مطابق گزشتہ روز ملک بھر میں کورونا کی تشخیص کے لیے مجموعی طور پر 44 ہزار 334 ٹیسٹ کیے گئے، جن میں سے 622 مثبت پائے گئے، اس طرح ملک میں گزشتہ روز کورونا مثبت کیسز کی شرح 1.40 فیصد رہی۔

(جاری ہے)

این سی او سی کے مطابق ملک میں اب تک 12 لاکھ 66 ہزار 826 افراد میں کورونا کی تشخیص ہوئی ہے جن میں سے 12 لاکھ 13 ہزار 799 صحت یاب ہوچکے ہیں۔ملک میں گزشتہ روز کوویڈ 19 سے متاثرہ مزید 16 مریض زندگی کی بازی ہار گئے، اس طرح ملک میں اس وبا سے جاں بحق ہونے والوں کی مصدقہ تعداد 28 ہزار 328 ہوگئی ہے۔این سی او سی کے مطابق اس وقت ملک میں کورونا کے مصدقہ فعال مریضوں کی تعداد 24 ہزار 699 ہے ، جن میں سے ایک ہزار 690 کی حالت تشویشناک بتائی جارہی ہے۔

متعلقہ عنوان :

اسلام آباد شہر میں شائع ہونے والی مزید خبریں:

Your Thoughts and Comments