جھنگ، تحریک انصاف کے سربراہ عمران خان کا جھنگ میں جلسہ توقعات کے مطابق کامیاب نہ ہو سکا

جلسہ میں وقت کو بھی ملحوظ خاطر نہ رکھا گیا اس جلسہ کیلئے پی ٹی آئی کے ٹکٹ ہو لڈر امیدوار ایک ہفتے سے تیاری میں مصروف تھے جلسہ میں پندرہ ہزار کرسیاں لگائی گئیں جو کہ آدھی سے زیادہ خالی رہیں

اتوار 15 جولائی 2018 23:00

جھنگ، تحریک انصاف کے سربراہ عمران خان کا جھنگ میں جلسہ توقعات کے مطابق کامیاب نہ ہو سکا

اٹھار ہزاری (اُردو پوائنٹ اخبارتازہ ترین - آن لائن۔ 15 جولائی2018ء) پاکستان تحریک انصاف کے سربراہ عمران خان کا جھنگ میں جلسہ اس طرح کامیاب نہ ہو سکا جس طرح توقع کی جا رہی تھی وقت کو بھی ملحوظ خاطر نہ رکھا گیا اس جلسہ کیلئے پی ٹی آئی کے ٹکٹ ہو لڈر امیدوار ایک ہفتے سے تیاری میں مصروف تھے جلسہ میں پندرہ ہزار کرسیاں لگائی گئیں جو کہ آدھی سے زیادہ خالی رہیں شاید اس وجہ سے عمران خان نے خطاب کے آغاز ہی میں کہہ دیا کہ’’ آپ کو دیکھ کے لگ رہا ہے میرا ٹائم پہ آنا پسند نہیں لوگ آ رہے ہوں گے اور میں جا رہا ہوں گاایک حساس ادارے کی رپورٹ کے مطابق خطاب کے وقت جلسہ میں لوگوں کی تعدادچھ سات ہزار تھی ان میں سے بھی زیادہ تر لوگ کرسیوں پر بیٹھنے کی بجائے کھڑے رہے جب عمران خان خطاب کر کے چلے گئے تو اس وقت بھی لوگ آ رہے تھے سٹیڈیم کے باہر مجمع لگ گیایہ امر بھی قابل ذکر ہے کہ امیدواروں اور عوام کو توقع تھی عمران خان جھنگ کی پسماندگی کے حوالے سے کسی کالج یونیورسٹی یا دیگر اہم پراجیکٹ کا وعدہ کریں گے مگر اس حوالے سے سب کو مایوسی ہوئی اور انہوں نے اپنے خطاب میں کہا کہ ترقی یافتہ ممالک میںوزیر اعظم وزیر اعلی ٰ ہماری طرح بادشاہوں جیسے اعلانات نہیں کرتا ۔