وزیر تعمیرات آزاد کشمیر کا حویلی کہوٹہ کا دورہ، علی آباد سڑک، محکمہ جنگلات کی پودہ جات نرسری کا معائنہ

ہفتہ 24 نومبر 2018 14:34

حویلی کہوٹہ (اُردو پوائنٹ اخبارتازہ ترین - این این آئی۔ 24 نومبر2018ء) آزاد کشمیر کے وزیر تعمیرات عامہ و مواصلات چوہدری محمد عزیز اور ایڈیشنل چیف سیکرٹری ترقیات ڈاکٹر آصف حسین شاہ نے ضلع حویلی کہوٹہ کے دورہ کے دوران علی آباد سڑک اور محکمہ جنگلا ت کی علی آباد میں قائم پودہ جات کی نرسری کامعائنہ کیا۔

(جاری ہے)

اس موقع پر علی آباد تجدید جنگلات کے طرف سے بریفنگ دیتے ہوئے ڈی ایف او تجدید سردار محمد لطیف خان نے بتایا کہ علی آباد نرسری میں اس وقت کائل اور دیودار کے 10لاکھ پودا جات موجود ہیں انہوں نے ضلع حویلی میںشجر کاری کے حوالہ سے بھی تفصیلاً بریفنگ دی ۔

ایڈیشنل چیف سیکرٹری ترقیات نے علی آباد سے شیرو ڈھارا لسڈنہ تک سڑک کا معائنہ بھی کیا اور شجر کاری ور نرسریز کے حوالہ سے محکمہ جنگلات کی کارکردگی کو سراہا ۔اس موقع پر ناظم جنگلات تجدید ملک عبدالرحمان اور ڈی ایف او نارمل ساجد ندیم اور محکمہ جنگلات کے ملازمین اور محکمہ شاہرات کے ملازمین بھی موجود تھے ۔