اسپیشلائزڈ ٹریننگ پروگرام کے 45 رکنی وفد کی آئی جی سندھ سے ملاقات

ڈی آئی ہیڈ کوارٹرز سندھ نے محکمہ پولیس سندھ کے جملہ امورواقدامات پر خصوصی حوالوں سے بریفنگ دی

پیر 17 فروری 2020 23:57

کراچی(اُردو پوائنٹ اخبارتازہ ترین - آن لائن۔ 17 فروری2020ء) مطالعاتی دورے پر آئے ہوئے اسپیشلائزڈ ٹریننگ پروگرام کے 42 ویں بیچ پر مشتمل 45 رکنی وفد نے ڈائریکٹر پاکستان ایڈمنسٹریشن سروس (PAS) لاہور عاصم اقبال کی سربراہی میں آئی جی سندھ ڈاکٹرسیدکلیم امام سے ملاقات کی۔سینٹرل پولیس آفس کراچی آمد پر آئی جی سندھ سمیت دیگر سینئر پولیس افسران نے مہمانوں کا خوش آمدیدم استقبال کیا۔

(جاری ہے)

اس موقع پر ڈی آئی ہیڈ کوارٹرز سندھ نے محکمہ پولیس سندھ کے جملہ امورواقدامات پر خصوصی حوالوں سے بریفنگ دی اور امن وامان کے قیام اور جرائم کے خلاف پولیس ترجیحات سے شرکاء کو آگاہی دی۔آئی جی سندھ نے کہا کہ بہترین اور کامیاب پیشہ وارانہ زندگی کا دارومدار آپکی محنت لگن اور جستجو پر ہے۔سیکھنے اور سکھانے کا عمل زندگی کا حصہ ہے۔لوگوں کے مسائل اور مشکلات کا ازالہ ناصرف آپکا مشن ہونا چاہیئے بلکہ انسانیت کی خدمت کو بھی اپنا مقصد بنائیں۔ بعدازاں آئی جی سندھ اورڈائریکٹر پی اے ایس لاہور کے درمیان یادگاری شیلڈز کا تبادلہ ہوا۔دریں اثناء تربیتی پروگرام کے شرکاء کو بھی سندھ پولیس کی جانب سے یادگاری تحائف دیئے گئے۔#