گورنر سندھ نے کراچی کو لیاقت علی خان کی جائے شہادت قرار دے دیا

آج کے دن فرزندِ کراچی لیاقت علی خان کی شہادت کراچی میں ہی ہوئی، عمران اسماعیل

ہفتہ 16 اکتوبر 2021 21:50

گورنر سندھ نے کراچی کو لیاقت علی خان کی جائے شہادت قرار دے دیا
کراچی(اُردو پوائنٹ اخبارتازہ ترین - این این آئی۔ 16 اکتوبر2021ء) گورنر سندھ عمران اسماعیل نے راولپنڈی کے بجائے کراچی کو لیاقت علی خان کی جائے شہادت قرار دیا جس کی وجہ سے سوشل میڈیا پر ان کا مذاق بنایا جا رہا ہے۔گورنر سندھ عمران اسماعیل نے پاکستان کے پہلے وزیراعظم و شہیدِ ملت لیاقت علی خان کی 70ویں برسی کے موقع پر ان کی قبر پر حاضری اور فاتحہ خوانی کی اور انہیں خراج عقیدت پیش کیا۔

(جاری ہے)

بعد ازاں میڈیا سے گفتگو کرتے ہوئے گورنر سندھ عمران اسماعیل نے کہا کہ آج کے دن فرزندِ کراچی لیاقت علی خان کی شہادت کراچی میں ہی ہوئی، لیاقت علی خان قائد اعظم محمد علی جناح کے افکار کو آگے لے کر چلے۔عمران اسماعیل نے کہا کہ لیاقت علی خان کی شہادت ایک افسوسناک واقعہ تھا، ان کی شہادت سے ملک کی سیاست میں تبدیلی آئی، ان کے قتل کے پیچھے جو عناصر تھے وہ نہیں پکڑے گئے۔

کراچی شہر میں شائع ہونے والی مزید خبریں:

Your Thoughts and Comments