میڈیسن تاجر قائدین کی کرونا کے خلاف خدمات قابل تحسین ہیں، ثاقب اسماعیل

منگل 7 اپریل 2020 17:24

کراچی (اُردو پوائنٹ اخبارتازہ ترین - این این آئی۔ 07 اپریل2020ء) ڈی آئی جی ہیڈ کوائٹرز سندھ ثاقب اسماعیل میمن نے کہا ہے کہ میڈیسن تاجر قائدین نے کرونا وائرس کے حوالے سے تمام شعبہ جات میں جو خدمات پیش کی ہیں وہ قابل تحسین اور قابل تعریف ہیں۔ وہ اپنے دفتر میں ملاقات کے لیے ہول سیل کراچی فارما آرگنائزیشن کے جنرل سیکریٹری اسلم پولانی کی قیادت میں آنے والے وفد سے گفتگو کر رہے تھے۔

(جاری ہے)

اس موقع پر اسلم پولانی نے آرگنائزیشن کی جانب سے سندھ پولیس کے لیے 10ہزار سرجیکل ماسک ، 10ہزار ہینڈ گلوز اور 10لیٹر ہینڈ سنیٹائزرعطیہ کیے۔ڈی آئی جی ہیڈ کوائٹرز ثاقب اسماعیل میمن نے ہول سیل کراچی فارما آرگنائزیشن کی خدمات کو سراہا اور آرگنائزیشن کا شکریہ ادا کرتے ہوئے کہا کہ کرونا وائرس سے نمٹنے کے لیے میڈیسن تاجر برادری بلخصوص فارمنا آرگنائزیشن نے بھی فرنٹ لائن میں خدمات کا کردار ادا کیا ہے۔ کسے ہمیشہ یاد رکھا جائے گا۔ محکمہ پولیس ایسے مثبت مشن میں میڈیسن قائدین کو سلام پیش کرتی ہے۔ آرگنائزیشن کے جنرل سیکریٹری اسلم پولانی نے بھی کرونا وائرس کے حوالے سے سندھ پولیس کے کردار کو سراہا۔