اقرا عزیز نے کبیر کے ہی کپڑے پہن لیے،اداکارہ نے اپنی انسٹا اسٹوریز میں تصویرشیئرکردی

کراچی(اُردو پوائنٹ اخبارتازہ ترین - این این آئی۔ 17 ستمبر2021ء) معروف شخصیات اوران کے بچوں کا ایک جیسے کپڑے پہننا یا ٹوئننگ کرنا تو ایک عام سی بات ہے لیکن اقرا عزیز نے اس رجحان کو پیچھے چھوڑتے ہوئے کبیر کے ہی کپڑے پہن لیے۔اداکارہ نے اپنی انسٹا اسٹوریز میں تصویرشیئرکی جس میں ان کی شرٹ پر بچوں کے معروف کارٹونک کردار پوپوئے دی سیلر کی تصویر نمایاں ہے۔

اقرا نے کیپشن میں قہقہے والے ایموجی کے ساتھ اداکارنورالحسن کو ٹیگ کرتے ہوئے لکھا، شکریہ نوربھائی، یہ شرٹ آپ نے کبیرکو تحفے میں دی تھی لیکن مجھے فٹ آگئی۔اس کیپشن نے اداکارہ کے مداحوں کے چہروں پرمسکراہٹیں بکھیردیں۔نورالحسن اقرا اور فیروز خان کے مقبول ترین ڈرامہ سیریل خدا اور محبت کی کاسٹ کا حصہ ہیں جسے سال 2021 میں سب سے زیادہ دیکھے جانے والا ڈرامہ ہونے کا اعزازحاصل ہے۔

(جاری ہے)

لیکن یہ فی الحال ایک معمہ ہے کہ نورنے کبیرکیلئے اتنا آگے کا کیوں سوچا، آیا یہ شرٹ خود خریدی گئی تھی یا پھرآن لائن شاپنگ کا کرشمہ تھا کہ کبیر کا سائزان کی والدہ کو فٹ آگیا۔ جو بھی ہے لیکن اقرا اس شرٹ میں خاصی دلکش نظرآرہی ہیں۔اقرا نے اسی شرٹ میں یاسر کے ساتھ وقت گزارتے ہوئے بھی کچھ تصاویر شیئرکیں۔جولائی میں کبیرکی پیدائش کے بعد سے اقرا اوریاسرکے مداح اکثروبیشتران سے بیٹے کی ایک جھلک شیئر کرنے کی درخواست کررہے ہیں لیکن دونوں کی جانب سے شیئرکی جانے والی تصاویرمیں کبیرکا چہرہ سامنے نہیں ہوتا یا ایموجی سے چھپا دیا جاتا ہے۔

اس سے قبل یاسرکا کہنا تھا کہ وہ کبیر کی تصاویر تب شیئرکریں گے جب اقرا عزیز ایسا کرنا چاہیں گی لیکن حال ہی میں انہوں نے یہ انکشاف بھی کیا کہ کبیر کو سوشل میڈیا سے دوررکھنے کی وجہ ان کی نانی ہیں جو اس کی تصاویر شیئرکرنے کی خواہشمند نہیں۔