سندھ سالڈ ویسٹ مینجمنٹ بورڈ کی صوبائی اسٹیرنگ کمیٹی نے کراچی، سکھراور حیدرآباد کے ڈیویڑنل بورڈ کی منظوری دے دی

جمعہ 29 مارچ 2024 20:11

کراچی (اُردو پوائنٹ اخبارتازہ ترین - آن لائن۔ 29 مارچ2024ء) وزیر بلدیات، ہائوسنگ ٹائون پلاننگ، پبلک ہیلتھ انجنئیرنگ و رورل ڈویلپمنٹ سندھ اور چیئرمین صوبائی اسٹیرنگ کمیٹی، سندھ سالڈ ویسٹ مینجمنٹ بورڈ سعید غنی کی زیر صدارت صوبائی اسٹیرنگ کمیٹی کا پہلا اجلاس منعقد ہوا۔ اجلاس میں کمیٹی کے ممبران، مئیر کراچی بیرسٹر مرتضٰی وہاب، مئیر حیدرآباد کاشف علی شورو، میئر سکھر بیرسٹر ارسلان اسلام شیخ، ایڈیشنل چیف سیکریٹری لوکل گورنمنٹ خالد حیدر شاہ، ایڈیشنل کمشنر ون کراچی سحرافتخار، منیجنگ ڈائریکٹر ایس ایس ڈبلیو ایم بی، امتیاز علی شاہ، وائس چانسلر این ای ڈی یونیورسٹی ڈاکٹر سروش حشمت لودھی، ایڈیشنل سیکریٹری لوکل گورنمنٹ لیاقت علی بھٹی، اے ڈی سی سکھر عبدالستار، ڈپٹی سیکریٹری فنانس تبریز مری، اے ڈی سی حیدرآباد نجیب جمالی و دیگر نے شرکت کی۔

(جاری ہے)

وزیر بلدیات سندھ سعید غنی نے اجلاس میں کراچی، حیدرآباد، اور سکھر کے ڈویڑنل بورڈ کے قیام کی منظوری دے دی، اس سلسلے میں غیر مستقل ممبران (Non Permanent Members) جو۔کہ دو ٹیکنیکل ماہر اکیڈیمیا Academia سے،ایک ممبر این جی او سے اور ایک ممبر سالڈ ویسٹ مینجمنٹ کے شعبے میں ٹیکنیکل مہارت رکھنے والے افراد پر مشتمل ہونگے۔ اجلاس میں ڈیویڑنل بورڈ کراچی، حیدرآباد اور سکھر کے ممبران کی منظوری دے دی گئی۔ جبکہ لاڑکانہ کی جانب سے تاحال نام نہ آنے اور آج کے اجلاس میں ان کی عدم موجودگی پر فیصلہ کیا گیا کہ صوبائی وزیر اور مئیر لاڑکانہ مل کر کمیٹی کے ناموں کو فائنل کریں گے۔#

کراچی میں شائع ہونے والی مزید خبریں