وہاب ریاض کی شائقین کرکٹ کے ساتھ بدتمیزی کرنے کی ویڈیو سوشل میڈیا پرہوگئی

وہاب ریاض کی ویڈیو 2019 میں پی ایس ایل کے سیزن 4 کی ہے جس میں پشاور زلمی کی نمائندگی کررہے تھے

جمعرات 25 فروری 2021 13:55

کراچی (اُردو پوائنٹ اخبارتازہ ترین - این این آئی۔ 25 فروری2021ء) قومی ٹیم کے فاسٹ بولر اور پی ایس ایل سیزن 6 میں پشاور زلمی کی قیادت کرنے والے وہاب ریاض کی شائقین کرکٹ کے ساتھ بدتمیزی کرنے کی ویڈیو سوشل میڈیا پروائرل ہوگئی سوشل میڈیا پر زیرگردش ویڈیو میں دیکھا گیا کہ وہاب ریاض اسٹیدیم میں حفاظتی ریلنگ ہٹا کر شائقین کی جانب آتے ہیں جو انہیں پکار پکار کر بلا رہے ہوتے ہیں۔

شائقین کرکٹ میں سے وہاب ریاض کو آواز دینے والوں میں سے کوئی پرچی بھی کہہ دیتا ہے جس پر وہاب ریاض آگ بگولہ ہوجاتے ہیں۔

(جاری ہے)

وہاب ریاض اسٹیڈیم میں موجود ’پرچی‘ کی آواز لگانے والے شائقین کرکٹ تک پہنچتے ہیں اور غصے سے سوال کرتے ہیں کہ ابھی کوئی آواز لگا رہا تھا پرچی پرچی وہ کون ہی وہاب ریاض کے بار بار اس سوال پر بھی کوئی سامنے نہیں آیا جس پر فاسٹ بولر غصے میں آکر سخت الفاظ استعمال کرتے ہیں۔سوشل میڈیا پر اب وائرل ہونے والی ویڈیو دراصل ایک پرانی ویڈیو ہے، وہاب ریاض کی یہ ویڈیو 2019 میں پی ایس ایل کے سیزن 4 کی ہے جس میں بھی وہاب ریاض پشاور زلمی کی نمائندگی کررہے تھے۔2 برس بعد سوشل میڈیا پر وائرل ہونے والی ویڈیو پر سوشل میڈیا صارفین کی جانب سے تبصرے کیے جانے لگے ۔