پلوامہ کے شہری نے مسجد نبوی ﷺ میں وزیر خارجہ کو بھارتی مظالم سے آگاہ کیا

وزیر اعظم اقوام متحدہ جارہے ہیں جہاں کشمیریوں کا مقدمہ بھرپور انداز میں لڑیں گے،دعا ہے کہ کشمیریوں کو جلد آزادی ملے،اللہ آپکی تکلیف دور فرمائے۔وزیر خارجہ کی نوجوان کو تسلی

Muqadas Farooq مقدس فاروق اعوان ہفتہ ستمبر 11:57

پلوامہ کے شہری نے مسجد نبوی ﷺ میں وزیر خارجہ  کو بھارتی مظالم سے آگاہ ..
مدینہ منورہ: (اُردو پوائنٹ تازہ ترین اخبار۔ 21 ستمبر 2019ء) : وزیرخارجہ شاہ محمود قریشی سے مدینہ میں مقبوضہ کشمیر کے علاقے پلوامہ کے نوجوان کی ملاقات ہوئی۔ گلزار نامی نوجوان نے مقبوضہ کشمیر کی خراب صورتحال سے وزیر خارجہ کو آگاہ کیا۔ وزیر خارجہ شاہ محمود قریشی کو دیکھ کر کشمیری مسلمان اُن کے پاس آیا اور اپنی پریشانی بیان کی کہ پلوامہ میں والدین سے کوئی رابطہ نہیں ہورہا۔

مسجد نبوی ﷺ کے صحن میں نوجوان نے وزیر خارجہ کو بتایا کہ کئی روز سے کشمیری بھائیوں سے رابطے کی کوشش کر رہے ہیں۔ پلوامہ میں والدین سے بھی کوئی رابطہ نہیں ہوپارہا، کشمیر میں ہمارے بہن بھائیوں پر ظلم ڈھائے جا رہے ہیں۔ شاہ محمود قریشی نے نوجوان کو تسلی دیتے ہوئے کہا کہ وزیر اعظم عمران خان اقوام متحدہ جارہے ہیں جہاں کشمیریوں اور کشمیر کا مقدمہ نہ صرف عالمی دنیا کے سامنے پیش کیا جائے گا بلکہ ہم اس مقدمے کو اچھے سے لڑیں گے، دعا ہے کہ کشمیریوں کو جلد آزادی ملے، پاکستان ہمیشہ کشمیریوں کے ساتھ کھڑا ہے۔

(جاری ہے)

شاہ محمود قریشی کا کہنا تھا کہ پاکستان کا بچہ بچہ کشمیریوں کے ساتھ ہے، کشمیر جلد آزاد ہوگا۔شاہ محمود قریشی نے نوجوان کو تسلی دیتے ہوئے کہا کہ پاکستان کشمیر کا مقدمہ ہر سطح پر لڑے گا۔خیال رہے کہ وزیراعظم عمران خان کے دورہ امریکہ کی تفصیلات جاری کر د ی گئیں ہیں۔ وزیراعظم عمران خان 21 سی27ستمبرنیویارک کا دورہ کریں گے، ترجمان دفترخارجہ کے مطابق وزیراعظم اقوام متحدہ جنرل اجلاس میں پاکستان کے اعلٰی سطح وفد کی قیادت کریں گے، وزیراعظم اقوام متحدہ جنرل اجلاس میں پاکستان کے وفد کی قیادت کرینگے، ترجمان دفترخارجہوزیرخارجہ شاہ محمود قریشی بھی جنرل اسمبلی اجلاس میں شرکت کریں گے۔

ترجمان کے مطابق وزیراعظم مقبوضہ کشمیرمیں انسانی حقوق کی خلاف ورزیوں کامعاملہ اٹھائینگے۔ ترجمان کے مطابق وزیراعظم جنرل اسمبلی میں مقبوضہ کشمیرپر پاکستان کا موقف پیش کریں گے،وزیراعظم اقوام متحدہ جنرل اسمبلی سے 27 ستمبر کو خطاب کریں گے۔

لاہور شہر میں شائع ہونے والی مزید خبریں:

Your Thoughts and Comments