ج*آئی جی پنجاب کا سرگودھا میں شادی کی تقریب میں ہوائی فائرنگ کا نوٹس

آر پی او سرگودھا سے واقعہ کی رپورٹ طلب،ملزمان کو جلد از جلد گرفتار کیا جائی: راؤ سردار علی خان

اتوار 28 نومبر 2021 21:15

kلاہور (اُردو پوائنٹ اخبارتازہ ترین - آن لائن۔ 28 نومبر2021ء) انسپکٹر جنرل پولیس پنجاب راؤ سردار علی خان نے سرگودھا میں شادی کی تقریب میں ہوائی فائرنگ کے واقعہ کا نوٹس لیتے ہوئے آر پی او سرگودھا سے رپورٹ طلب کی ہے۔ آئی جی پنجاب نے آرپی او سرگودھا کو ہدایت کی ہے کہ فائرنگ کرنے والے ملزمان کو جلد از جلد گرفتار کرکے سخت قانونی کاروائی عمل میں لائی جائے۔

(جاری ہے)

راؤ سردارعلی خان نے صوبے کے تمام آر پی اوز، ڈی پی اوز کو اسلحہ کی نمائش اور ہوائی فائرنگ کرنے والے سماج دشمن عناصر کے خلاف کریک ڈاؤن کے احکامات جاری کئے ہیں۔ انہوں نے مزیدکہاکہ آر پی اوز اور ڈی پی اوز ناجائز اسلحہ اور ہوائی فائرنگ کے خلاف کاروائیوں کی خود نگرانی کریں۔ آئی جی پنجاب نے شہریوں سے گذارش ہے کہ قانون شکن عناصر کو اپنی خوشیوں میں شامل نہ کریں اور جہاں کہیں ہوائی فائرنگ کا واقعہ نظر آئے فورا 15پر متعلقہ پولیس کو اطلاع کریں تاکہ ملزمان کو فوری گرفتار کرکے سخت قانونی کاروائی عمل میں لائی جاسکے۔