میاں چنوں ،ْ تھپڑوں کی کبڈی طالبعلم کی جان لے گئی، ہیڈ ماسٹر لا تعلق

بے ہوش طالب علم کو ہسپتال قریب ہونے کے باوجود نہ پہنچایا گیا ،ْریسکیو ٹیم بھی آدھا گھنٹہ تاخیر سے پہنچی

ہفتہ 14 اپریل 2018 14:39

میاں چنوں(اُردو پوائنٹ اخبارتازہ ترین - این این آئی۔ 14 اپریل2018ء) سرکاری سکول میں کبڈی کا کھیل طالب علم کی جان لے گیا، تماشائیوں میں اساتذہ بھی شامل تھے اسکے باوجود بے ہوش بلال کو ہسپتال نہ پہنچایا، میاں چنوں کا رہائشی طالب علم تھپڑوں کی کبڈی میں جان کی بازی ہار گیا۔

(جاری ہے)

نجی ٹی وی کے مطابق میاں چنوں میں خانیوال گورنمنٹ ہائی ا سکول 115 پندرہ ایل میں 4 اپریل کو بریک کے دوران چھٹی جماعت کے بلال ولد ریاض اور عامر ولد شیر محمد نے تھپڑوں والی کبڈی کا انتخاب کر لیا ،ْ مقابلہ شروع ہوتے ہی دونوں نے ایک دوسرے پر تھپڑوں کی بارش کر دی، جسمانی طور پر کمزور بلال عامر کے پے در پے تھپڑ برداشت نہ کر سکا، نیچے گرکے بے ہوش ہوا لیکن کوئی مدد کو نہ آیا۔

ہیڈ ماسٹر سارے معاملے سے لا تعلق رہا، پولیس کو اطلاع دی نہ بلا ل کو ہسپتال پہنچایا، ریسکیو ٹیم بھی آدھا گھنٹہ تاخیر سے پہنچی جس کے باعث بلال جان کی بازی ہار گیا، 45 منٹ بعد بلال کی لاش گھر بھیج دی گئی۔