پتوکی نادرا آفس شہر سے دوکلومیٹر باہر منتقل ہونے سے پتوکی شہر اور تحصیل بھر کے لاکھوں لوگ رل گئے

پتو کی (اُردو پوائنٹ اخبارتازہ ترین - این این آئی۔ 02 اکتوبر2019ء) پتوکی نادرا آفس شہر سے دوکلومیٹر باہر منتقل ہونے سے پتوکی شہر اور تحصیل بھر کے لاکھوں لوگ رل گئے۔پتوکی کی معروف سماجی تنظیموں کا شدید احتجاج سماجی تنظیموں کا نادرا آفس واپس پتوکی لانے کا مطالبہ۔جبکہ نادرا آفس کے چہتوں نے اپنے مبینہ مالی مفاد کی خاطر نادرا آفس کو اچانک شہر سے دوکلومیٹر باہر کرایہ کی عمارت میں منتقل کردیا-تفصیلات کے مطابق پتوکی میں میونسپل کمیٹی کے احاطہ میں قائم نادراکا بغیر کرایہ کے آفس نادرا کے بزر جمہوروں نے اچانک شہر سے دوکلومیٹر باہر کرایہ کی عمارت میں منتقل کردیا۔

نادرا آفس کا شہر سے باہر منتقلی سے پتوکی کے شہریوں کے علاوہ تحصیل بھر کے لاکھوں عوام کو شدید پریشانی اور دشواری کا سامنا کرنا پڑ رہا ہے۔

(جاری ہے)

تحصیل بھر کے دوردراز کے قصبات نتھے خالصہ،پھول نگر،سرائے مغل ،حبیب آباد کے علاوہ انکے ملحقہ دیہات کے لوگ مجبوراً چالیس سے پچاس کلومیٹر کا سفر طہ کرکے نادرا آفس پہنچنا پڑتا ہے۔پہلے وہ کرایہ خرچ کرکے وہاں سے پتوکی بائی پاس پہنچتے ہیں وہاں سے دوبارہ پتوکی شہر جہاں سے تیسری بار رکشوں وغیرہ پر سوار ہوکر ملتان روڈ پر نادرا آفس پہنچتے ہیں۔

جس سے انکا وقت ضائع ہونے کے علاوہ کرایوں کی صورت میں پیسہ بھی ضائع ہوتا ہے۔جبکہ شہر میں دفتر ہونے کی صورت میںشہروں اور دیہات کے تمام لوگ پیدل باآسانی دفتر پہنچ جاتے ہیںشہر کی معروف سماجی تنظیموں انجمن تحفظ حقوق شہریاں پتوکی اور سانجی سوچ پتوکی نے اس پر شدید احتجاج کرتے ہوئے وزیر داخلہ ،چئیرمین نادرا اور مقامی رکن قومی اسمبلی سردار طالب حسن نکئی و صوبائی وزیرمواصلات پنجاب سردار آصف نکئی سے مطالبہ کیا ہے کہ وہ لاکھوں عوام کو درپیش مشکلات کے پیش نظر ناردا آفس پتوکی کو فوری شہر میں واپس لایا جائے۔