کوئٹہ سے کراچی آنے والی واحد ٹرین بولان میل ڈیڑھ سال بعد دوبارہ بحال

بدھ 1 دسمبر 2021 15:14

کوئٹہ سے کراچی آنے والی واحد ٹرین بولان میل ڈیڑھ سال بعد دوبارہ بحال
کوئٹہ (اُردو پوائنٹ اخبارتازہ ترین - این این آئی۔ یکم دسمبر2021ء) کوئٹہ سے کراچی جانے والی واحد ٹرین بولان میل بدھ سے دوبارہ بحال ہوگئی۔ تفصیلات کے مطابق کوئٹہ سے کراچی آنے والی واحد ریل گاڑی بولان میل ڈیڑھ سال بعد بدھ سے بحال کردی گئی ہے۔ ریلوے حکام کے مطابق بولان میل کو کورونا وائرس کے پھیلاؤ کی وجہ سے ڈیڑ ھ سال قبل بند کردیا گیا تھا تاہم اب کورونا کی صورتحال میں بہتری اور عوام کی ضروریات کو مد نظر رکھتے ہوئے بولان میل کو سے دوبارہ بحال کیا گیا ریلوے حکام کے مطابق بدھ سے شروع کی جانے والی ٹرین میں ایک اسٹینڈ اے سی سمیت 8 بوگیاں شامل ہیں جن میں 600 کے قریب مسافر سفر کرسکیں گے، کوئٹہ سے چلنے والی ٹرین جمعرات کی صبح 8 بجے کراچی پہنچے گی، کراچی سے کوئٹہ کے لئے شام 6 بجے روانہ ہوگی۔

(جاری ہے)

بولان میل ریل کی بحالی کی تقریب سے خطاب کرتے ہوئے ڈپٹی اسپیکر قومی اسمبلی قاسم سوری نے میڈیا سے بات کرتے ہوئے کہا کہ کوئٹہ کراچی روٹ ٹرین کے ذریعے آج ایک بار پھر پاکستان ریلوے بحال ہورہی ہے، ریل غریبوں کی سواری ہے، تفتان روٹ پر بھی ٹرینیں چل رہی ہے، چمن ریلوے لائن بھی بحال کردی جائیں گی، چائنا پاکستان کا حقیقی دوست ہے چائنا ہر صورتحال میں پاکستان کے ساتھ کھڑا رہاہے، سی پیک کے تحت بلوچستان میں کام شروع ہے۔ڈپٹی اسپیکرکا کہنا تھا کہ مہنگائی کا طوفان پورے دنیا میں ہے صرف پاکستان میں نہیں ہے، برطانیہ میں بھی مہنگائی ہے، اور وہاں پٹرول کی قلت ہے،الیکٹرونک ووٹنگ سسٹم کے نفاذ کے بعد دھاندلی کا شور کرنیوالے بھی خاموش ہو جائیں گے۔

کوئٹہ میں شائع ہونے والی مزید خبریں