تحصیل گلہڑہ گلی نیو مری کا قیام ناگزیرہے حکومت کے اس اقدام سے سیاحت کے فروغ کے ساتھ مقامی علاقوں کی پسماندگی دور ہو سکے گی:سکندر محمود

راولپنڈی(اُردو پوائنٹ اخبارتازہ ترین - آن لائن۔ 18 جنوری2022ء) سیاسی و سماجی شخصیت راجہ سکندر محمود نے کہا ہے کہ نئی تحصیل گلہڑہ گلی نیو مری کا قیام ناگزیرہے حکومت کے اس اقدام سے سیاحت کے فروغ کے ساتھ مقامی علاقوں کی پسماندگی دور ہو سکے گی ان خیالات انہوں نے ایک بیان میں کیاانہوں نے کہا کہ وزیراعلی پنجاب کا مری کو ضلع کا درجہ دینے کا فیصلہ خوش آئند ہے یہ اہلیان علاقہ کا دیرینہ مطالبہ تھا جس کا اعلان کر کے وزیراعلی پنجاب عثمان بزدار نے مقامی آبادی کے دل جیت لئے ہیں انہوں نے کہا کہ پہاڑی علاقوں کی آبادی و جغرافیائی تقسیم کے پیش نظرانتظامی طور پر اگر ایک نئی تحصیل کا قیام عمل میں لایا جائے تو سیاحت کے فروغ کے ساتھ وسائل کی منصفانہ تقسیم سے مقامی آبادی کی پسماندگی سمیت دیگر مسائل میں یقیناًًکمی واقع ہو گی نئی تحصیل کے قیام سے مری سٹی پر سیاحوںکے رش میں کمی آسکے گی اور متبادل سیاحتی مقام بھی وجود میں آجائے گا،ہم امید کرتے ہیں کہ مری کو ضلع بنانے کا اعلان صرف اعلان ثابت نہیں ہو گا بلکہ جلد فیصلے کو عملی شکل دی جائے گی منتخب نمائندوں سے بھی توقع ہے کہ وہ گلہڑہ گلی نیو مری کو تحصیل کا درجہ دینے کے لئے بھی اقدامات کریں گے اس ضلع کو سیاحت کے لئے خصوصی سٹیٹس دینے سے علاقے کی پسماندگی دور ہو سکے گی۔