فاطمہ جناح ویمن یونیورسٹی میں بین الاقوامی تعلیمی کانفرنس اختتام پذیر

راولپنڈی (اُردو پوائنٹ اخبارتازہ ترین - اے پی پی۔ 18 اپریل2024ء) فاطمہ جناح ویمن یونیورسٹی میں فیکلٹی آف ایجوکیشن کے زیر اہتمام دو روزہ بین الاقوامی کانفرنس برائے ایجوکیشنل انوویشن اینڈ اسسمنٹ شاندار کامیابی کے ساتھ اختتام پذیر ہوگئی۔ کانفرنس میں دنیا بھر سے ماہرین تعلیم، محققین، اور پالیسی سازوں کو مدعو کیا گیا جس کا مقصد 21ویں صدی میں تعلیم کے شعبے کو آگے بڑھانے کے لئے مشاورت اورمستقبل کے اقدامات کے لئے ایک پلیٹ فارم کے طور پر کام کرنا ہے۔

کانفرنس کے دوسرے دن مہمانان خصوصی ڈاکٹر ثمینہ ملک، ریکٹر انٹرنیشنل اسلامک یونیورسٹی، اسلام آباد اور ڈاکٹر ایلیسن فاکس ایسوسی ایٹ ہیڈ آف سکول آف ریسرچ اینڈ نالج ایکسچینج اوپن یونیورسٹی یو کے نے اپنے خیالات کا اظہار کیا۔

(جاری ہے)

ڈاکٹر ثمینہ ملک نے پائیدار ترقی کے لیے عالمی تعلیم میں موجود تفاوتوں کو دور کیا، سماجی و اقتصادی عدم مساوات اور نصاب جیسے چیلنجوں پر قابو پانے کے لیے مشترکہ کوششوں کی ضرورت پر زور دیا۔

ڈاکٹر ایلیسن فاکس نے تعلیم اور تحقیق میں مصنوعی ذہانت کے استعمال پر اظہار خیال کیا اورغیر مانیٹر شدہ ایپلی کیشنز کے منفی نتائج سے خبردار کیا ، شرکاءنے پینل مباحثوں میں حصہ لیا اور تعلیمی جدت کے بہترین طریقوں کا اشتراک کیا،اپنے اختتامی کلمات میں مہمان خصوصی نے ایف جے ڈبلیو یو کی فیکلٹی آف ایجوکیشن کی تعلیمی جدت اور فضیلت کے لئے اس کی لگن کو سراہا۔ انہوں نے تعلیمی مشق میں مسلسل بہتری لانے کے لئے جاری تعاون اور پیشہ وارانہ ترقی کی اہمیت پر زور دیا۔ کانفرنس کی چیئر نے تمام شرکاء کا شکریہ ادا کیا ۔