فیسکوکی ٹاسک فورس ٹیموں کا بجلی چوروں کے خلاف کریک ڈائون، 10بجلی چور گرفتار

سرگودھا (اُردو پوائنٹ اخبارتازہ ترین - اے پی پی۔ 14 جون2025ء) فیسکو (واپڈا) سرگودھا سرکل کی ٹاسک فورس ٹیموں نے بجلی چوروں کے خلاف کریک ڈائون کے دوران 10بجلی چوروں کو گرفتار کرلیا ۔ فیصل آباد الیکٹرک سپلائی کمپنی (فیسکو) نے ہفتہ کو سرگودھا شہر اور گردونواح کے علاقوں میں کریک ڈائون کے دوران مختلف علاقوں سے ڈائریکٹ لائن اور میٹر سے چھیڑچھاڑ کرنے پر اور کنڈے لگانے پر 10 بجلی چوروں کو پکڑ لیا۔

(جاری ہے)

فیسکو ٹاسک فورس کے انچارج کے مطابق چیف انجیئر فیکسو سرگودھا سرکل ابرار احمد خان کی ہدایت پر مختلف سب ڈویژن کے سب ڈویژنل افسران نے دیگرعملے کے ساتھ طارق آباد، نوری گیٹ، فیکٹری ایریاء، لاہور روڈ، کوئین چوک اور محمدی کالونی میں بجلی چوری کے خلاف کارروائیاں کیں اور دس افراد کو گرفتار کر لیا۔ ان میں غلام رسول، ظہیرشاہ، سلیم، مجتبیٰ شاہ، احمد شیر، نور اللہ، اسلم خان، شفیق اللہ، امیر اللہ، باقر خان کے نام شامل ہیں۔ ٹاسک فورس انچارج نے متعلقہ تھانہ جات میں ان بجلی چوروں کے خلاف مقدمات درج کروا دیئے ہیں مزید کارروائی جاری ہے۔