پاکستانی جیت پر میر واعظ کا ٹوئٹ ،ْ گمبھیر آگ بگولہ ،ْ صارفین کا سابق بھارتی کپتان کو کرارا جواب

سرینگر (اُردو پوائنٹ اخبارتازہ ترین - این این آئی۔ 19 جون2017ء) حریت رہنما میر واعظ نے پاکستان کی جیت پر ٹویٹ کیا کہ ہر طرف آتش بازی ہے ،ْ ایسا محسوس ہو رہا ہے کہ عید قبل از وقت آ گئی۔ بہتر کھیلنے والی ٹیم کا دن رہا ،ْ پاکستانی ٹیم کو جیت کی مبارکباد۔اس ٹویٹ پر سابق کپتان گوتم گمبھیر نے لکھا کہ میر واعظ آپ کیلئے ایک تجویز ہے۔ آپ سرحد پار کر کے اس پار کیوں نہیں چلے جاتی وہاں آپ کو بہتر پٹاخوں (چائنیز ) اور عید کا جشن ملے گا ،ْمیں پیکنگ میں آپ کی مدد کر سکتا ہوں۔

میر واعظ کے اس ٹویٹ پر تقریباً ڈیڑھ ہزار کمنٹس آئے ہیں جبکہ اسے چھ ہزار سے زیادہ بار ری ٹویٹ اور 12 ہزار سے زیادہ لائکس ملے ہیں۔میر واعظ اور گوتم گمبھیر کے ٹویٹس پر لوگوں نے مختلف انداز میں اپنا ردعمل ظاہر کیا۔

(جاری ہے)

ایک صارف فیصل نے لکھا کہ تجھے مرچی لگی تو میں کیا کروں جبکہ ایک دوسرے صارف زعیم نعیم نے لکھا کہ آپ لوگوں کا رونا شروع ہو گیا امپاسیبل رائے نامی ٹوئٹر ہنیڈل سے ایک شخص نے لکھا کہ مجھے گمبھیر پسند ہیں ،ْوہ ساری باتیں براہ راست کہتے ہیں، گھما پھرا کر کوئی بات نہیں کرتے۔

ٹوئٹر ہینڈل انڈ ورسز ٹیرارزم سے لکھا گیا کہ آپ کہیں تو میر واعظ میں آپ کیلئے انڈیا سے جانے کی ٹکٹ کا انتظام کر سکتا ہوں ،ْمیں اس کام کے لیے اپنی موٹرسائیکل فروخت کر دوں گا۔جنید نے کہاکہ گمبھیر آپ کو ایک کام کیجیے۔ آپ اپنی ٹیم کے بیگ پیک کروائیے، تاکہ وہ گھر واپس جا سکے۔ان سب باتوں سے قبل اسی طرح کا ایک ٹویٹ معروف بزنس مین ہرش گوئنکا نے انڈین وزیر خارجہ کو طنز کا نشانہ بناتے ہوئے کیا تھا جس میں لکھا تھا کہ 11انڈینز لندن کے اوول میں پھنسے ہوئے ہیں۔ میڈم سشما سوراج برائے مہربانی انھیں بچائیں۔