گابا ٹیسٹ: انگلینڈ نے پہلے روز کے اختتام پر 4 وکٹوں پر 196 رنز بنالئے
ڈیوڈ میلان 28 ا،معین علی 13 رنز کے ساتھ ناٹ آئوٹ ،، آسٹریلیا کی جانب سے پیٹ کمنس نے 2 اور مچل اسٹارک نے ایک وکٹ حاصل کی
جمعرات 23 نومبر 2017
16:42
گابا ٹیسٹ (اُردو پوائنٹ اخبارتازہ ترین - آن لائن۔ 23 نومبر2017ء) انگلینڈ نے پہلے روز کے اختتام پر 4 وکٹوں پر 196 رنز بنالئیایشز سیریز کے پہلے ٹیسٹ کے پہلے روز کے اختتام تک انگلینڈ نے آسٹریلیا کے خلاف 4 وکٹوں کے نقصان پر 196 رنز بنالئے ۔آسٹریلیا کے شہر برسبین کے گابا اسٹیڈیم میں کھیلے جارہے پانچ میچز پر مشتمل سیریز کے پہلے میچ میں انگلش ٹیم کے کپتان جوئے روٹ نے ٹاس جیت کر پہلے بیٹنگ کا فیصلہ کیا۔
(جاری ہے)
انگلش ٹیم کی جانب سے الیسٹرل کک اور مارک اسٹون مین نے اننگز کا آغاز کیا تو تیسرے ہی اوور میں مہمان ٹیم کو الیسٹرل کک کی صورت میں خسارے کا سامنا رہا، وہ 2 رنز بنا کر مچل اسٹارک کی گیند پر کیچ آٹ ہوئے۔دوسری وکٹ پر مارک اسٹون مین اور جیمز ونز کے درمیان 125 رنز کی شراکت قائم ہوئی اور ٹیم کا مجموعی اسکور 127 تک پہنچا تو اسٹون مین 53 رنز بنانے کے بعد پویلین لوٹ گئے۔
تیسرے آٹ ہونے والے بلے باز جیمز ونس تھے جو 12 چوکوں کی مدد سے 83 رنز بنا کر رن آٹ ہوئے جب کہ کپتان جوئے روٹ 15 رنز تک محدود رہے۔ پہلے روز کھیل کے اختتام تک انگلینڈ نے 4 وکٹوں کے نقصان پر 196 رنز بنائے، ڈیوڈ میلان 28 اور معین علی 13 رنز کے ساتھ ناٹ آٹ ہوئے جب کہ آسٹریلیا کی جانب سے پیٹ کمنس نے 2 اور مچل اسٹارک نے ایک وکٹ حاصل کی۔۔
