عامر خان امریکی باکسر کرافورڈ سے ٹائٹل فائٹ ہار گئے

نیویارک(اردو پوائنٹ تازہ ترین اخبار۔21اپریل2019ء) پاکستانی نژاد برطانوی باکسر عامر خان کو امریکی باکسر کرافورڈ نے شکست دے دی۔امریکی شہر نیویارک میں 31سالہ پاکستانی نژاد برطانوی باکسر اور امریکی باکسر کرافورڈ کے درمیان کانٹے دار مقابلہ دیکھنے کو ملا اور دونوں میں سے کوئی بھی ہار ماننے کو تیار نہیں تھا اور آخر کار 6 راﺅنڈ میں سنسنی خیز مقابلے کے بعد امریکی باکسر کرافورڈ ٹیکنیکل ناک آﺅٹ کی بنیاد پر فاتح قرار پائے۔

(جاری ہے)

عامر خان اور باکسر کرافورڈ کی فائٹ کا سکور46- 48 رہا اور یوں کرافورڈ نے کیرئیر کی 35ویں فائٹ جیتی۔ عامر خان نے شکست پر مداحوں سے معافی مانگتے ہوئے کہا کہ کرافورڈ سے فائٹ دلچسپ رہی، مقابلہ جیتنے کیلئے پرامید تھا تاہم مضبوط کم بیک کروں گا۔ایتھنز اولمپکس 2004 ءکے سلور میڈلسٹ عامر خان اپنے گزشتہ 4مقابلوں میں سے2میں کامیاب رہے اور2میں انہیں ناکامی کا سامنا کرناپڑا۔