دبئی سپورٹس سٹی انگلش ڈومیسٹک سمیت بین الاقوامی کرکٹ کی میزبانی کے لئے تیار

لندن (اردو پوائنٹ اخبارتازہ ترین۔ یکم مئی2020ء) انگلش ڈومیسٹک سمیت بین الاقوامی کرکٹ کی میزبانی کے لئے دبئی ہمیشہ سے تیار ہے ۔دبئی سپورٹس سٹی کرکٹ کے سربراہ سلمان حنیف نے اس خواہش کا اظہار کرتے ہوئے کہا کہ اگر انہیں انگلش کرکٹ سیزن کی میزبانی دی جاتی ہے تو ان کے لئے یہ بے حد خوشی کی بات ہو گی۔

(جاری ہے)

انہوں نے کہا کہ برطانیہ میں کروناوائرس کی وجہ سے کرکٹ  کی تمام تر سرگرمیوں کو یکم جولائی تک معطل کر دیا گیا ہے جس کے بعد انگلش کرکٹ بورڈ کی طرف سے یہ بیان سامنے آیا ہےکہ متاثر شدہ سیریز اور ڈومیسٹک میچز کے لئے دوبئی سمیت آسٹریلیا اور نیوزی لینڈ کے مقامات پر کرانے کی آپشن بھی زِیرغور ہے ۔

ان کا کہنا تھا کہ  دوسرے ممالک کی نسبت یہاں حالات کافی حد تک کنٹرول میں ہیں جب کہ لاک ڈاؤن میں بھی نرمی کر دی گئی ہے اور  یہاں کرکٹ کے لئے موسم بھی سازگار ہے ۔ اگر انہیں انگلش کرکٹ کی میزبانی کا موقع ملتا ہے تو دوبئی سپورٹس سٹی ہمیشہ کی طرح تمام تر سہولیات فراہم کرے گا تاکہ اچھی کرکٹ دیکھنے کو ملے۔