نک کومپٹن نے بھارتی کپتان ویرات کوہلی کو سب سے بدزبان قرار دیدیا

لندن (اردو پوائنٹ تازہ ترین اخبار ۔ 20 اگست 2021ء ) سابق انگلش بیٹسمین نک کامپٹن نے بھارتی کپتان ویرات کوہلی کو سب سے بدزبان قرار دے دیا۔ نجی ٹی وی کے مطابق 16 ٹیسٹ میں 775 رنز بنانے والے 38 سالہ نک کامپٹن نے ٹویٹ میں بھارت میں منعقدہ 2012ء ٹیسٹ سیریز کا حوالہ دیتے ہوئے کہا کہ میں اس موقع پر کوہلی کی بدزبانی کو کبھی بھول نہیں سکتا۔

(جاری ہے)

انہوں نے کہا کہ پوائنٹ پوزیشن پر فیلڈنگ کرتے ہوئے مجھ پر سنگین زبانی حملے کرتے رہے تھے، سابق انگلش بیٹسمین کا کہنا تھا کہ اس سے مجھے معلوم ہوا کہ جو روٹ، سچن ٹنڈولکر اور کین ولیمسن دنیا کے بہترین کھلاڑی ہونے کے باوجود کتنے منکسر المزاج ہیں ۔

واضح رہے کہ کوہلی حالیہ سیریز کے لارڈز ٹیسٹ میں بھی انگلش پیسر جیمز اینڈرسن سے الجھتے رہے۔