اسلامک گیمز ،پاکستان کو ایک برانز میڈل مل گیا

استنبول (اردو پوائنٹ تازہ ترین اخبار ۔ 15 اگست 2022ء ) اسلامک گیمز کی پیرا ٹبیل ٹینس میں الطاف الرحمان کانسی کا تمغہ جیتنے میں کامیاب ہوگئے۔ ترکی میں جاری اسلامک گیمز میں پاکستان کے میڈلز کی تعداد اب دو ہوگئی ہے، اس سے پہلے جیولین تھرو میں ارشد ندیم گولڈ میڈل کے ساتھ برتری ثابت کرچکے ہیں۔

(جاری ہے)

پاکستان کو ویٹ لفٹنگ میں بھی کامن ویلتھ گیمز چیمپئن نوح دستگیر بٹ سے میڈل کی امید ہے، وہ آج شام پانچ بجے ایکشن میں ہوں گے۔

کراٹے کے مقابلے بدھ سے شروع ہو رہے ہیں، جس میں سعدی عباس سمیت چار لڑکے اور تین لڑکیاں پاکستان کی نمائندگی کریں گی۔