سعودی عرب کا قومی دن‘ کرسٹیانو رونالڈو نے بھی روایتی لباس پہن لیا

ریاض ( اُردو پوائنٹ اخبارتازہ ترین ۔ 23 ستمبر 2023ء ) سعودی عرب کے قومی دن پراسٹار فٹبالر کرسٹیانو رونالڈو نے عربوں کا روایتی لباس پہن لیا۔ تفصیلات کے مطابق سعودی فٹبال کلب النصر نے مملکت کے قومی دن کی مناسبت سے روایتی رقص، تلواروں اور ملبوسات کی ویڈیو جاری کی، جس میں سٹار کھلاڑی کرسٹیانو رونالڈو روایتی سعودی لباس پہنے سب کی توجہ کا مرکز بن گئے۔

عرب نیوز نے رپورٹ کیا ہے کہ النصر کلب کے شائقین اپنے پسندیدہ ستاروں کو قومی تہوار میں شریک دیکھ کر بہت خوش ہیں، اس سلسلے میں کلب کی طرف سے جاری کردہ ویڈیو میں کلب کی ماضی کی کامیابیوں اور تاریخ کی جھلک کو اس کے مستقبل کی بحالی کے ساتھ جوڑا گیا ہے، یہ ویڈیو نوجوانوں کے ایک گروپ کے ساتھ شروع ہوتی ہے جو کلب کے ہیڈ کوارٹر میں جاتے ہیں جہاں وہ ٹیم کے کھلاڑیوں کو قومی دن کی تقریبات کے لیے تیار ہوتا دیکھ کر خوشگوار حیرت میں مبتلا ہوجاتے ہیں۔

(جاری ہے)