پاکستان نے ورلڈ باڈی بلڈنگ چیمپئن شپ میں دو چاندی کے تمغے جیت لیے

لاہور (اردو پوائنٹ تازہ ترین اخبار ۔ 11 نومبر 2023ء ) ورلڈ باڈی بلڈنگ اینڈ فزیک چیمپئن شپ 2023ء میں حصہ لینے والے دو پاکستانیوں نے چیمپئن شپ میں چاندی کے تمغے جیتے۔ تفصیلات کے مطابق پاکستان کے شہزاد قریشی نے 90 کلوگرام کیٹگری میں چاندی کا تمغہ جیتا اور سپورٹس فزیک کیٹیگری میں پاکستان کے ارسلان بیگ نے سلور میڈل حاصل کیا۔ پاکستان باڈی بلڈنگ ایسوسی ایشن کے سیکرٹری سہیل انور نے چاندی کے تمغے جیتنے پر دونوں پاکستانی کھلاڑیوں کو مبارکباد دی ہے۔

(جاری ہے)

انہوں نے کہا کہ شہزاد قریشی اور ارسلان بیگ کو پاکستان کے لیے چاندی کا تمغہ جیتنے پر مبارکباد۔ انہوں نے اس امید کا بھی اظہار کیا کہ ہم آئندہ مقابلوں میں بھی گولڈ میڈل جیتیں گے۔