اذلان شاہ کپ فائنل میں جاپان کے ہاتھوں شکست کے بعد قومی ہاکی ٹیم کی تنزلی

لاہور (اردو پوائنٹ تازہ ترین اخبار ۔ 12 مئی 2024ء ) ہفتہ کو سلطان اذلان شاہ کپ کے فائنل میں جاپان کے ہاتھوں شکست کے بعد حال ہی میں اپ ڈیٹ کی گئی ایف آئی ایچ رینکنگ میں پاکستان کی مردوں کی ہاکی ٹیم کی مزید تنزلی ہوگئی۔ پاکستان کو جاپان کے ہاتھوں پنالٹی شوٹ آؤٹ پر 1-4 سے شکست کا سامنا کرنا پڑا جب کہ معمول کے وقت میں میچ 2-2 سے ختم ہوا کیونکہ جاپانی گول کیپر نے شوٹ آؤٹ میں دو شاندار سیو کیے جس سے گرین شرٹس کی ٹائٹل جیتنے کی امیدیں ختم ہو گئیں۔

فائنل سے قبل پاکستان 15ویں جب کہ جاپان 16ویں نمبر پر تھا۔ فائنل میں جاپان کی فتح کے بعد اس نے اپنے درجے میں ایک درجہ بہتری کی جبکہ مین ان گرین ایک درجہ نیچے گر کر اب 1829 پوائنٹس کے ساتھ 16ویں نمبر پر ہے۔ اس دوران نیدرلینڈز 3161 پوائنٹس کے ساتھ سرفہرست رہے جبکہ بیلجیئم اور آسٹریلیا بالترتیب 2948 اور 2906 پوائنٹس کے ساتھ دوسرے اور تیسرے نمبر پر ہیں۔

(جاری ہے)

یاد رہے کہ فائنل کا فیصلہ شوٹ آؤٹ پر ہونا تھا جب دونوں ٹیموں نے فل ٹائم کے اختتام پر دو دو گول سکور کیے تھے۔ جاپان نے شوٹ آؤٹ میں برتری حاصل کی بشکریہ ریوما اوکا جبکہ اس کے ساتھیوں نے باقی تین گول کرتے ہوئے رفتار کو جاری رکھا۔ اس دوران پاکستان پہلی 2 پنلٹیز پر گول نہ کرسکا جبکہ تیسرے اسٹروک میں عماد بٹ نے گیند کو جال میں پہنچایا۔

اس سے قبل جاپان نے واپسی کرتے ہوئے تیسرے کوارٹر میں پاکستان کے دو گول کرنے کے بعد سکور 2-2 سے برابر کر دیا۔ کازوماسا ماتسوموتو نے 47ویں منٹ میں دوسرا گول کیا۔ تیسرے کوارٹر میں پاکستان کی جانب سے 34ویں منٹ میں اعجاز احمد نے گول کیا جبکہ 37ویں منٹ میں عبدالرحمان نے گول کیا۔ سیرین تاناکا نے 12ویں منٹ میں جاپان کے لیے پہلا گول کر کے برتری حاصل کر لی۔

یاد رہے کہ پاکستان نے 13 سال میں پہلی بار فائنل کے لیے کوالیفائی کیا تھا۔ سلطان اذلان شاہ کپ 2024ء میں جمعہ کو راؤنڈ میچوں کا اختتام ہوا جس کے ساتھ ہی جاپان اور پاکستان پوائنٹس ٹیبل پر سرفہرست دو ٹیموں کے طور پر ختم ہوئے کیونکہ دونوں راؤنڈ رابن میچوں میں ناقابل شکست رہے۔ جاپان 13 پوائنٹس کے ساتھ ٹاپ پر رہا کیونکہ اس نے چار میچ جیتے اور صرف ایک ڈرا ہوا۔ جبکہ پاکستان 11 پوائنٹس کے ساتھ دوسرے نمبر پر رہا۔