فیصلہ کیا تھا کہ ہدف 18ویں اوور سے پہلے حاصل کرنا ہے : بابر اعظم

لاہور (اردو پوائنٹ تازہ ترین اخبار ۔ 13 مئی 2024ء ) قومی ٹیم کے کپتان بابر اعظم نے آئر لینڈ سے جیت کا کریڈٹ بلے بازوں کو دے دیا ۔ میچ کے بعد گفتگو کرتے ہوئے ان کا کہنا تھا کہ اس جیت کی بعد سکون ملا ہے ، جب ہمیں ٹارگٹ ملا تو ہم نے فیصلہ کیا تھا کہ اس کو اٹھارویں اوور سے پہلے حاصل کرنا ہے، ہم نے شروع میں 2 وکٹیں گنوائیں لیکن اپنے موومینٹم کو جاری رکھا ۔

انہوں نے کہا کہ پہلے باؤلنگ کرنا اچھا فیصلہ تھا کیونکہ بادل آئے ہوئے تھے اور ہلکی بارش بھی ہوئی تھی۔

(جاری ہے)

آئر لینڈ نے جس طرح سے آخری 3 اوورز میں بلے بازی کی وہ واقعی زبردست تھی ۔ بابر اعظم نے کہا کہ فخر زمان تجربہ کار کھلاڑی ہے ، اس نے پازیٹو گیم کھیلی ۔ آخر میں کپتان نے کہا کہ اگلے میچ میں بھی ہم اپنا سو فیصد دیں گے۔ بابر اعظم نے کہا کہ پاکستانی شائقین کو دیکھ کر بہت پرجوش ہوں ، کھچا کھچ بھرے ماحول سے لطف اندوز ہوا اور امید ہے کہ فیملیز اگلے میچ میں ہمارا ساتھ دیں گی۔