آئی سی سی ٹی 20 ورلڈ کپ کے لیے پاکستان کرکٹ ٹیم کے 15 ارکان کے نام فائنل

لاہور(اُردو پوائنٹ اخبارتازہ ترین - آن لائن۔ 17 مئی2024ء) آئی سی سی ٹی 20 ورلڈ کپ کے لیے پاکستان کرکٹ ٹیم کے 15 ارکان کے نام فائنل ہوگئے ہیں ۔ذرائع کے مطابق پاکستانی سکواڈ میں 5 فاسٹ باؤلرز، 4 آل راؤنڈرز، 3 وکٹ کیپرز، 2 بیٹرز اور ایک سپنر شامل ہوگا۔

(جاری ہے)

ذرائع کا کہنا ہے کہ شاداب خان، صائم ایوب اور عثمان ٹیم میں شامل ہوں گے جبکہ حارث رؤف مکمل فٹ ہیں اور وہ بھی ورلڈ کپ کے سکواڈ کا حصہ ہوں گے۔

ذرائع کا مزید کہنا تھا کہ بابر اعظم (کپتان)، فخر زمان، محمد رضوان، اعظم خان، عماد وسیم، افتخار احمد بھی سکواڈ میں شامل ہوں گے اسی طرح ابرار احمد، شاہین شاہ آفریدی، محمد عامر، نسیم شاہ، عباس آفریدی بھی پاکستانی سکواڈ کا حصہ ہوں گے جبکہ 3 ٹریول ریزروز میں سلمان علی آغا، حسن علی اور عرفان نیازی شامل ہوں گے۔