انٹر کالجز گرلز سپورٹس مقابلوں میں سیدو شریف اور ڈگرکے گرلز کالجز نے میدان مار لیا
جمعہ 17 مئی 2024
23:30
پشاور (اُردو پوائنٹ اخبارتازہ ترین - اے پی پی۔ 17 مئی2024ء) محکمہ اعلیٰ
تعلیم خیبر پختونخوا کے زیر اہتمام گرلز سپورٹس مقابلوں میں سیدو شریف اور ڈگر کے گرلز کالجز نے میدان مار لیا ۔ انٹرکالجز سپورٹس ضلع
سوات کے مختلف مقابلوں میں گورنمنٹ پوسٹ گریجویٹ گرلز کالج سیدوشریف نے والی بال، ٹیبل
ٹینس اور بیڈمنٹن میں پہلی پوزیشن حاصل کی جبکہ گرلز ڈگری کالج ڈگر نے
کرکٹ میں پہلی ، والی بال اور بیڈمنٹن میں دوسری پوزیشن حاصل کی ۔
گورنمنٹ گرلز ڈگری کالج بریکوٹ نے ٹیبل
ٹینس میں دوسری اور مدین کی ٹیم نے بیڈمنٹن کے مقابلے میں تیسری پوزیشن حاصل کی ۔ ٹورنامنٹ میں پہلی دوسری اور تیسری پوزیشن لینے والی ٹیموں اور کھلاڑیوں میں انعامات ، ٹرافیاں اور سرٹیفکیٹس تقسیم کرنے کے حوالے سے تقریب گورنمنٹ پوسٹ گریجویٹ گرلز سیدوشریف میں منعقد ہوئی جس میں ملاکنڈ ریجن کے ڈائریکٹر پروفیسر عنایت اللہ، محکمہ اعلیٰ
تعلیم کے ڈپٹی ڈائریکٹر سپورٹس محمد عمران، کالج پرنسپل بخت تسلیم، کالجز کے پرنسپل اساتذہ اور طلبہ نے کثیر تعداد میں شرکت کی ۔
(جاری ہے)
ڈپٹی ڈائریکٹر محمد عمران نے تقریب کے شرکاء سے خطاب کرتے ہوئے کہا کہ صوبائی وزیر برائے اعلیٰ
تعلیم میناخان آفریدی کی خصوصی ہدایت کی روشنی میں تعلیمی اداروں میں کھیلوں کی سرگرمیوں کو فروغ ملا ہے اور کالجز کے لیے سپورٹس کلینڈر کی تجاویز شروع کی گئی ہیں جن پر صوبائی وزیر کو بہت جلد بریفنگ دی جائے گی ۔
